Мьраз готә Аһмәд у Хәзале, кӧ әԝ тʹәви кʹӧлфәта хԝә ԝе гәләк ша бьн али ԝан бькьн, сәва кӧ һе зедә пебьһʹәсьн дәрһәԛа ԝан тьшта, чь кӧ ԝана пешда хәбәр да. Әԝи нишани ԝан кьр кʹьтебәк бь наве Чь Һин Дькә Кʹьтеба Пироз?

Чахе Аһмәд у Хәзале ве кʹьтебе дьньһерʹин, әԝана дитьн кӧ навәрокеда гәләк пьрсед ӧса һәнә, дәрһәԛа чь жи әԝана тʹьме бәр хԝә дькʹәтьн. Паше Мьраз дина ԝан да сәр ԝе йәке, кӧ ве кʹьтебеда диса гәләк тьштед һʹәԝас һәнә. Әԝи гот:

«Дәстпебуна һәр сәрикида һьнә пьрс тенә дайине, йед кӧ кʹьфш дькьн әԝ фькьред фәрз, кʹижан кӧ ви сәрида тенә шьровәкьрьне. Ле хьлазийа һәр сәри һәйә чаргошә, кʹижанида һәнә фькьред сәрәкә у рʹез жь Кʹьтеба Пироз, йед кӧ щабева гьредайи нә. Ве кʹьтебеда ӧса жи һәнә шькьлед ӧса, жь кʹидәре кӧ дькарьн һин бьн. У һʹәму әʹламәти ве кʹьтебеда ӧса һатьнә ньвисаре, ԝәки һеса бә чаԝа сәва хԝәндьне, ӧса жи сәва фәʹмкьрьне».

Аһмәд у Хәзале хԝәстьн перʹа-перʹа әве кʹьтебе дәстпекьн бьхуньн. Әԝана дьхԝәстьн һе зедә пебьһʹәсьн дәрһәԛа ԝан һʹәму тьшта, чь кӧ Мьраз пешда ԝанарʹа гьли кьрьбу. Хенщи ве йәке, әԝана ӧса жи дьхԝәстьн избат буна, ԝәки әԝ һʹәму тьшт чь кӧ Мьраз ԝанарʹа дьгот, дәрәԝ нибу. Аһмәд у Хәзал гәләк жь Мьраз у Назе рʹази бун жь бо ԝе йәке, кӧ әԝана һазьр бун али ԝан бькьн, ԝәки рʹийа әʹдьлайе у бәхтәԝарийе бьвиньн.