Ве пʹареда ԝе ԛәԝьмандьнед жь Ньвисаред Йунани бенә гьликьрьне. Иса малбәтәкә нә дәԝләтида һатьбу буйине, йед кӧ шәһәрәки бьчʹукда дьман. Баве Иса нәщар бу у Иса али ԝи дькьр. Иса гәрәке бьбуйа хьлазкʹаре инсанәте. Йаһоԝа ԝи жьбарт, ԝәки әԝ бьбә Пʹадше Пʹадшатийа әʹзмана. Һәрге зарʹед ԝә һәнә, дина ԝан бьдьн сәр ԝе йәке, кӧ Йаһоԝа хәм кьр, ԝәки Иса малбәтәкә хԝәдехофда бе буйине. Ԝанарʹа гьли кьн, чаԝа Йаһоԝа, Иса жь дәсте Һеродәс хьлаз кьр у шьровәкьн, ԝәки тʹӧ тьшт нькарә рʹийа Йаһоԝа бьгьрә, ԝәки нета хԝә бинә сери. Ӧса жи тʹәвайи бьфькьрьн дәрһәԛа ԝе йәке, ча Йуһʹәнна пешда щьмәʹт һазьр дькьр бона һатьна Иса. У дина зарʹа бьдә сәр ԝе йәке, кӧ Иса жь зарʹотийа хԝә һәр тьштида гӧрʹа Йаһоԝа дькьр.