Пешхәбәра Пʹара 14
Мәсиһийед ԛьрʹна йәке, мьзгинийа дәрһәԛа Пʹадшатийа Хԝәде нав тʹәмамийа дьнйайеда бәла дькьрьн. Иса рʹебәри да ԝан бона хьзмәтийе у бь кʹәрәмәта ӧса кьр, ԝәки әԝана бькарьбьн сәр щурʹә-щурʹә зьмана мәрийа һин кьн. Йаһоԝа мерхаси у ԛәԝат да ԝан, ԝәки әԝана бькарьбьн ԝәʹде пәйкʹәтьна сәбьр кьн.
Иса пе хәԝн-хәйала, Йуһʹәннарʹа рʹумәта Йаһоԝа да кʹьфше. Хәԝн-хәйалед дьнда Йуһʹәнна дит, ԝәки ча Пʹадшатийа Хԝәде, Шәйтʹан у һʹӧкӧмтийа ԝи алт дькә. Йуһʹәнна дит, ԝәки Иса Пʹадшатийе дькә у 144 000 жьбартийед ԝи жи кʹеләка ԝи бун. Йуһʹәнна ӧса жи дит, ԝәки әʹрд бь тʹәмами буйә щьнәт у мәрьв Йаһоԝарʹа, бь йәктийе у әʹдьлайе хьзмәт дькьн.
ВЕ ПʹАРЕДА
ДӘРСА 95
Тʹӧ Тьшт Нькарьбу Ԝана Бьда Сәкьнандьне
Сәрокед кʹаһина, кʹижан Иса данә кӧштьне, ньһа дьхԝазьн хьзмәтийа шагьртед ԝи бьдьнә сәкьнандьне. Ле нькарьн әԝ йәк бькьн.
ДӘРСА 98
Мәсиһити Нава Мьләтада Бәла Дьбә
Паԝлос у һәвал-хьзмәткʹаред ԝийә мисионер хьзмәт дькьн щийед дур.
ДӘРСА 101
Паԝлос Дьшиньн Рʹоме
Һʹәму рʹеԝити гәләк хоф ьн, ле тʹӧ чәтьнайи нькарьн шагьрта бьдә сәкьнандьне.
ДӘРСА 103
Бьра «Падшатийа Тә Бе»
Кʹьтеба Йуһʹәнна, Әʹйанти, нишан дькә, ԝәки ԝе чь гӧһастьн Пʹадшатийа Хԝәде, бькә сәр әʹрде.