Дӧа кә у рʹьнд хԝә һазьр кә. Дӧа бькә кӧ Хԝәде али тә бькә, ԝәки рʹьнд дина хԝә бьди әԝе әʹламәтийе кӧ дәрбаз дьки. Бира хԝәда хԝәй кә әԝ фькьред сәрәкә, йед кӧ тӧ гәрәке дәрбаз ки. Бь гьлийе хԝә фькьра дәрбаз кә; нәлазьм ә ԝәки тӧ һьнә гьли-готьна йан хәбәра жь әʹдәбйәта бьԝәкʹьлини.

Жь дьл хәбәр дә. Бьфькьрә, кӧ чьма гӧһдаред тәрʹа лазьм ә әве әʹламәтийе бьбьһен. Дина хԝә бьдә гӧһдара. Һьнге щурʹе хәбәрдана тә, хԝәгьртьн у бәшәра тә, ԝе әʹйан кә һәвалһʹьзи у дьлрʹәмийа тә.

Гӧһдара бьньһерʹә. Һәрге лайиԛи мьһала ԝә йә ль чʹәʹве ԝан бьньһерʹә. Чахе тӧ готара хԝә дьбежи, ԝе баш бә щар-щара дина хԝә бьди сәр мәрьвәки.