Нәʹма жь Кʹома Рʹебәрийе
Бона ԝан йед кӧ Йаһоԝа Хԝәде у Хәбәра ԝи һʹьз дькьн:
Иса гот: «Һуне рʹастийе нас кьн у рʹастийе ԝә аза кә» (Йуһʹәнна 8:32). Һәла биньн бира хԝә, ԝә чь сәр хԝә тʹәхмин кьр, гава щара пешийе дәрһәԛа рʹастийа жь Кʹьтеба Пироз пеһʹәсийан! Шабунәкә мәзьн әԝ бу, ԝәки ве дьнйайеда кӧ бь дәрәԝа тʹьжә йә, әм дәрһәԛа рʹастийе пеһʹәсийан (2 Тимотʹейо 3:1).
Йаһоԝа Хԝәде дьхԝазә, ԝәки әм дәрһәԛа рʹастийе пебьһʹәсьн. Әм мәрьва һʹьз дькьн, ләма жи дьхԝазьн дәрһәԛа рʹастийе ԝанарʹа гьли кьн. Ле сәва кӧ Хԝәдерʹа хьзмәт кьн, дьһа зедә тьшт лазьм ә. Әм бь дьл у щан принсипед Йаһоԝа ԛимәт дькьн, ләма жи әм гәрәке һәр тьшти бькьн, сәва кӧ бьжин ча Мәсиһи. Иса да кʹьфше кӧ әм ча дькарьн Хԝәдерʹа избат кьн, ԝәки ԝи һʹьз дькьн. Әԝи гот: «Һәгәр һун тʹәмийед мьн хԝәй кьн, һуне һʹьзкьрьна мьнда бьминьн, чаԝа кӧ мьн тʹәмийед Баве хԝә хԝәй кьрьн у һʹьзкьрьна ԝида дьминьм» (Йуһʹәнна 15:10).
Иса бь рʹасти Баве хԝә һʹьз дькә у һәр тьшти чь кӧ Бав жь ԝи дәʹԝа дькә, тинә сери. Һәрге ԝе йәкеда әм чʹәʹв бьдьнә Иса, әме дьле Йаһоԝа ша кьн у һʹьзкьрьна ԝи ԛазанщ кьн. Иса гот: «Һәгәр һун ве йәке заньн, һуне хԝәзьли бьн гава бьԛәдиньн» (Йуһʹәнна 13:17).
Әм баԝәр ьн, ԝәки әв әʹдәбйәт ԝе али ԝә бькә, ԝәки һун анәгори рʹастийа жь Кʹьтеба Пироз бьжин у бьбьнә достед Хԝәде. Әм дӧа дькьн, ԝәки һʹьзкьрьна ԝә һьндава Хԝәде һе зедә бә у «һʹьзкьрьна Хԝәдейә . . . кӧ жийина һʹәта-һʹәтайе бьдә ԝә», нав хԝәда хԝәй кьн (Щьһуда 21).
Кʹома Рʹебәрийе йа Шәʹдед Йаһоԝа