1, 2. Әм кʹижан бьжартьне гәрәке qәбул кьн бона wәʹдәдәрбазкьрьне?

БЬДӘ һʹәсабе хwә кö тәме тә дькʹьшинә севәке, тö дьхwази бьхwи, ле дьвини кö щики ве хьраб буйә. Те чь бьки? Мәсәлә тö дькари дина хwә нәди wи щийе хьраб у әве севе педа бьхwи, йан жи тöйе әве севе һьлди у бавежи, ле дьбек жи тöйе тʹәне әв щийе хьраббуйи жеки у бавежи, ле йе дьн бьхwи. Тәйе жь wан һәрсек варийанта кʹижан бьжбарта?

² Әм дькарьн wәʹдәдәрбазкьрьне бәрамбәри ве севе бькьн. Фәʹмдари йә wәки щар-щара дьхwази wәʹдә дәрбаз ки, ле фәʹм дьки кö wәʹдәдәрбазкьрьнед иройин ниве зәʹф хьраб ьн у алийе намусийеда жи хьраббуйи нә. Ле чь гәрәке бьки? Һьнәк мәрьв һәр щурʹе wәʹдәдәрбазкьрьнед ве дьнйайе qәбул дькьн. Һьнәк дьрʹәвьн жь һʹәму щурʹә wәʹдәдәрбазкьрьна, wәки баwәр бьн кö накʹәвьнә бьн һʹöкöме тʹö тьштед хьраб. Һьнәк жи, хwә жь wәʹдәдәрбазкьрьнед хьраб дур дьгьрьн, ле щар-щара wәʹдәдәрбазкьрьнед керһати жи дәрбаз дькьн. Ле әм wәʹдәдәрбазкьрьнед ча гәрәке бьжберьн, wәки нава һʹьзкьрьна Хwәдеда бьминьн?

3. Әме ньһа дәрһәqа чь хәбәр дьн?

³ Жь мә һʹәчʹи зәʹф дьбәк бьжартьна сьсийа qәбул кьн. Чьмки әм заньн кö әм һʹәwще һесабуне нә, у дьхwазьн кö wәʹдәдәрбазкьрьна мә баш бә. Ләма жи әм гәрәке  бьфькьрьн ль сәр wе йәке һәла кʹижан wәʹдәдәрбазкьрьн керһати нә у кʹижан бекер ьн. Йа әʹwьл wәрә әм бьбиньн ча бьжартьна мәйә wәʹдәдәрбазкьрьне дькарә ль сәр хьзмәта мә Йаһоwарʹа һʹöкöм кә.

4. Тʹәсмилбуна мә ча гәрәке һʹöкöм кә ль сәр бьжартьна мәйә wәʹдәдәрбазкьрьне?

⁴ Һьнә wәʹдә пешда бьраки мә кʹижан кö дь сала 1946-да һатийә ньхöмандьне гот: «Мьн нет данийә пешийа хwә, wәки wәʹде һәр готара бона ньхöмандьне, öса бьбьһем йан чь әз тем ньхöмандьне». Гәло чьма? Әw шьровәдькә: Гәләк фәрз ә кö рʹожа тʹәсмилбуне биньн бира хwә, сәва Йаһоwарʹа амьн бьминьн. Дьбәк тö жи тʹәви гьлийе wи qайил и. Һәрге тö бини бира хwә, кö тә соз дайә Йаһоwа wәки тʹәмамийа жийина хwә wирʹа хьзмәт ки, әв йәк wе али тә бькә щерʹьбандьнада тәйах ки. (Бьхунә Wаиз 5:4). Бешьк, әw йәк чь кö тö дьфькьри дәрһәqа тʹәсмилбуне, wе һʹöкöм кә нә кö тʹәне ль сәр ньһерʹандьна тә дь хьзмәтеда, ле öса жи ль сәр һʹәму пьрсед жийина тә. Нава ве йәке öса жи дькʹәвә wәʹдәдәрбазкьрьн. Әв фькьр Паwлосе шанди wи чахи кʹьфш кьр, чахе qьрʹна йәкеда Мәсиһийарʹа дьньвиси: «Һун бьхwьн, вәхwьн, йан чь шьхöли кö һун бькьн, һәр тьшти бона шькьрдайина Хwәде бькьн» (1 Корьнтʹи 10:31).

5. Qануна Кʹаһинтийе 22:18-20 ча али мә дькә, кö әм фәʹм кьн әв фькьра вәшарти йа кö дь Рʹомайи 12:1-да ньвисар ә?

 ⁵ Һәр тьшт чь кö әм дь жийина хwәда дькьн гьредайи йә тʹәви хьзмәта мә Йаһоwарʹа. Паwлос дь нәʹма хwәда Рʹомайарʹа гьлийе бь фькьред кʹур дьда хәбате, сәва кö рʹасти һʹьше Мәсиһийада рʹьнд рʹуне. Әwи әwана һелан дькьр: «Qальбе хwә тʹәсмили Хwәде кьн чаwа qöрбанәкә сах, пироз ль Хwәде qәбул, йе кö һәйә qöльхкьрьна мәйә пирозә фькьранди» (Рʹомайи 12:1, ДТʹ). Хәбәра qальб те һʹәсабе һʹьш, дьл у qәwата мәрийа. Әв һәр тьшт әм дьдьнә хәбате сәва Хwәдерʹа хьзмәт кьн (Марqос 12:30). Паwлос хьзмәта бь дьл у щан бәрамбәри qöрбане кьр. Ль гора qануна Муса, Хwәде инкʹар дькьр qöрбана бь qöсур (Qануна Кʹаһинтийе 22:18-20). Хwәде wе qöрбана рʹöһʹани йа Мәсиһийа жи инкʹар кә, һәрге әв бь qьсур бә. Ле гәло әв йәк ча дькарә бьqәwьмә?

6, 7. Мәсиһи ча дькарә qальбе хwә бьһʹәрʹьминә у чь дькарә бьqәwьмә?

⁶ Паwлос Мәсиһийед Рʹомайарʹа öса ньвиси: «Нә жи әндәмед бәдәна хwә . . . пʹешкʹеши гöнәһ бькьн». Әwи сәрда жи зедә кьр: «Кьрьнед бәдәне бь Рʹöһ бькöжьн» (Рʹомайи 6:12-14; 8:13, ИМ). Һьнә wәʹдә шунда әwи дь нәʹма хwәда һьнә мәсәлед «кьрьнед бәдәне» анин. Дәрһәqа гöнәкʹара, әwи ньвиси: «Дәве wана тʹьжи ньфьрʹ у тәʹли йә, Ньге wанә хунрʹетьнерʹа дьләзинә», «тьрса Хwәде ль бәр чʹәʹва qәт тʹöнә» (Рʹомайи 3:13-18). Мәсиһи дькарә бәдәна хwә бьһʹәрʹьминә, һәрге бь әндәмед бәдәна хwә, йан бь пʹаред бәдәна хwә тьштед гöнәкьрьнейә öса бькә. Мәсәлә, чахе Мәсиһи занә кö гәрәке порнографийе, синәмед бь зöлмийе тʹьжә нәньһерʹә, ле йәкә әw дьньһерʹә, бь wе йәке әw аwа готи чʹәʹве хwә дьдә гöнә. Паши ве йәке әw дь хьзмәтеда чь жи бькә, Хwәде qöрбана wи һʹәсаб накә пироз у qәбул накә (Qануна Дöщари 15:21; 1 Пәтрус 1:14-16; 2 Пәтрус 3:11). Бь рʹасти wәʹдәдәрбазкьрьна нәщайиз wе зийанәкә мәзьн wирʹа бинә!

 ⁷ Фәʹмдари йә wәки бьжартьна wәʹдәдәрбазкьрьне, ахьрийе ль сәр жийина мә wе һʹöкöм бә. Ләма жи, әм дьхwазьн wәʹдәдәрбазкьрьна öса хwәрʹа бьжберьн кʹижан wе нә кö ләкʹе бьдә сәр qöрбана мә, ле хьзмәта мә Хwәдерʹа һе баш кә. Ньһа wәрен әм хәбәр дьн дәрһәqа wе йәке һәла кʹижан wәʹдәдәрбазкьрьн wе мәрʹа кʹаре бинә, ле кʹижан на.

8, 9. (а) Кʹижан ьн дö щурʹе wәʹдәдәрбазкьрьне? (б) Кʹижан щурʹе wәʹдәдәрбазкьрьне әм инкʹар дькьн, у чьма?

⁸ Wәʹдәдәрбазкьрьн дькарьн ль сәр дö щурʹа пʹарәвәкьн: йа пешьн әw wәʹдәдәрбазкьрьна öса нә, жь кʹижани кö Мәсиһи гәрәке бьрʹәвьн: ле wәʹдәдәрбазкьрьна дöда йа öса нә кʹижан кö Мәсиһи дькарә йан qәбул кә йан жи qәбул нәкә. Ле ньһа wәрә әм һе зедә хәбәр дьн дәрһәqа щурʹе пешьн, демәк wәʹдәдәрбазкьрьна öса жь кʹижани кö Мәсиһи гәрәке бьрʹәвьн.

⁹ Чаwа мә дь сәре пешьнда готьбу, дь һьнә wәʹдәдәрбазкьрьнада һәнә кьред öса, йед кö Кʹьтеба Пироз сәрʹт qәдәхә дькә. Мәсәлә, малпәр, кино, кʹьлам дь кʹижанада һәнә зöлми йан жи тьштед щьнава гьредайи, йан жи порнографи йе кö мәрийа һелан дькә бәрбь тьштед бенамуси у нәпʹак. Бь рʹасти wәʹдәдәрбазкьрьнед öса мьqабьли qанун у принсипед Кʹьтеба Пироз ьн, ле әв дьнйа öса дьдә кʹьфше йан чь әв һʹәму тьшт баш ә, ләма жи Мәсиһи гәрәке жь тьштед öса бьрʹәвьн (Кʹаред Шандийа 15:28, 29; 1 Корьнтʹи 6:9, 10; Әʹйанти 21:8). Чахе әм wәʹдәдәрбазкьрьнед бекер инкʹар дькьн, бь ве йәке әм Йаһоwарʹа избат дькьн wәки әм «йа хәраб нәфрәт дькьн, ИМ» у жь хьрабийе жи хwә дур дьгьрьн. Чахе тö öса дьки бь ве йәке тö нишан дьки wәки баwәрийа тә «бедöрʹути» йә (Рʹомайи 12:9; Зәбур 34:14; 1 Тимотʹейо 1:5).

10. Кʹижан ньһерʹандьн дәрһәqа wәʹдәдәрбазкьрьне зийандар ә, у чьма?

 ¹⁰ Һьнәк дьфькьрьн кö бенамусийе бьньһерʹьн, әв йәк зийане найнә. Әwана дьбежьн: «Дьбәк әз дьньһерʹьм кино у бәрнамед телевизийонейә öса, ле әв йәк найе һʹәсабе кö әз жи тьштед öса бькьм». Ньһерʹандьна öса хоф ә у зийандар ә. (Бьхунә Йерәмйа 17:9). Һәрге wәʹдәдәрбазкьрьна öса кʹижан кö Хwәде инкʹар дькә мә хwәш те, гәло бь ве йәке әм дькарьн бежьн кö «йа хьраб нәфрʹәт» дькьн? Һәрге әм бьһельн кö бенамуси ль сәр мә һʹöкöм кә, бь ве йәке әме һьндава бенамусийе бетʹалаш бьн (Зәбур 119:70; 1 Тимотʹейо 4:1, 2). Әв бетʹалашбуна мә дькарә һʹöкöм кә ча ль сәр кьред мә, öса жи ль сәр wе йәке һәла әм ча дьньһерʹьн сәр гöнәкьрьна мәрьвед дьн.

11. Ча избат дьбә кö гьлийед жь Галати 6:7, рʹаст ьн?

¹¹ Тьштед öса ида qәwьми нә. Һьнә Мәсиһи бенамусийева öса алийанә, кö нькарьн ле бьqәтьн, чьмки wәʹдәдәрбазькьрьн ль сәр wан öса һʹöкöм бун кö әв йәк wанрʹа бу хәйсәт. Бь мәсәла хwә әwана избат бун, кö «мәрьв чь дьчинә, wе жи дьчьнә» (Галати 6:7). Ле әм дькарьн хwә жь зийандарийа öса хwәй кьн. Һәрге тö бь дьл у щан дь һʹьше хwәда, тьштед тʹәмьз бьчини, тöйе бь шабун тьштед керһати жи бьчьни. (Бьньһерʹә чаргошә « Әз Кʹижан Wәʹдәдәрбазкьрьне Гәрәке Бьжберьм?»).

12. Галати 6:5 тʹәви бьжартьна wәʹдәдәрбазкьрьне ча гьредайи йә, у чь дькарә аликʹарийе бьдә мә кö сафикьрьна рʹаст бькьн?

¹² Ле ньһа әм хәбәр дьн дәрһәqа wәʹдәдәрбазкьрьна щурʹе дöда, дәрһәqа кʹижани кö дь Кʹьтеба Пирозда тʹö тьштед конкрет нәһатьнә ньвисаре, кö Хwәде әв йәк qәбул дькә, йан на. Чахе Мәсиһи дьхwазә сафи кә,  кö кʹижан wәʹдәдәрбазкьрьна бьжберә, ле кʹижани инкʹар кә, әw гәрәке хwәха сафи кә чь бона wи керһати йә. (Бьхунә Галати 6:5). Ле бь рʹасти ве пьрседа әм лап бе аликʹари нәманә. Бь сайа принсипед у рʹастийед Кʹьтеба Пироз әм һин дьбьн ль сәр тьшта öса бьньһерʹьн, чаwа кö Йаһоwа дьньһерʹә. Һәрге әм ван принсипа кʹур леколин кьн, әме бьзаньбьн «чь йә qьрара Хöдан» нә кö тʹәне пьрса бьжартьна wәʹдәдәрбазкьрьнеда, ле дь һәр пьрсада (Әфәси 5:17).

13. Wе чь али мә бькә бьрʹәвьн жь wәʹдәдәрбазкьрьнед öса, йед кö дькарьн дьле Йаһоwа бешиньн?

 ¹³ Фәʹмдари йә wәки фькьред һʹәму мәсиһийа у ньһерʹандьна wан алийе намусийеда йәк нинә (Филипи 1:9). Хенщи ве йәке, Мәсиһи фәʹм дькьн кö дь пьрсед wәʹдәдәрбазкьрьнеда, ньһерʹандьна wана wе мина һәв нибә. Ләма жи Мәсиһи гәрәке һивийе нибә кö сафикьрьна гьшка йәк бә. Ле чьqас һе зедә әм изьне бьдьн кö принсипед Хwәде ль сәр һʹьше мә у дьле мә һʹöкöм бьн, һаqас һе зедә әме бьхwазьн бьрʹәвьн жь wәʹдәдәрбазкьрьнед öса, йед кö дькарьн дьле Йаһоwа бешиньн (Зәбур 119:11, 129; 1 Пәтрус 2:16).

14. (а) Әм чь гәрәке һьлдьн һʹәсаб чахе wәʹдәдәрбазкьрьне дьжберьн? (б) Әм ча дькарьн шьхöле Пʹадшатийе дь жийина хwәда дайньн щийе пешьн?

¹⁴ Чахе әм wәʹдәдәрбазкьрьне дьжберьн әм гәрәке һьлдьн һʹәсаб диса тьштәки гәләк фәрз, демәк wәʹдә. Щурʹе wәʹдәдәрбазкьрьна тә дьдә кʹьфше, кö тö чь qәбул дьки, чьqас wәʹдә хәрщ дьки у әв йәк дьдә кʹьфше кö чь сәва тә һе фәрз ә. Бь рʹасти сәва Мәсиһийа шьхöлед рʹöһʹани жь һʹәму тьшти фәрзтьр ә. (Бьхунә Мәтта 6:33). Ле тö ча дькари баwәр би, кö шьхöле Пʹадшатийе дь жийина тәда щийе пешьн ә? Паwлосе шанди гот: «Бьньһерʹьн кö һун ньге хwә фәсал бавежьн, нәбьнә мина бефәʹма, ле мина сәрwахта. Дәст бьдьнә бәр wәхт, чьмки зәмани хьраб ә» (Әфәси 5:15, 16). Бь рʹасти жи һәрге тö wәʹде хwә бона wәʹдәдәрбазкьрьне кем ки, бь ве йәке тöйе бькарьби wәʹде хwә ль сәр тьштед «һәрә qәнщ» хәрщ ки, демәк ль сәр тьштед öса, йед кö wе али тә бькьн рʹöһʹанида пешда һәрʹи (Филипи 1:10).

15. Чьма билани йә кö wәʹде бьжартьна wәʹдәдәрбазкьрьне фәсал бьн?

¹⁵ Билани йә кö wәʹде бьжартьна wәʹдәдәрбазкьрьне фәсал бьн. Гәло әв йәк чь те һʹәсабе? Wәрен бькьнә бира хwә мәсәла севе. Сәва кö әм щийе хьраббуйи нәхwьн, әм нә кö тʹәне щийе хьраббуйи жедькьн ле һьнәки зедә жи  дәрдьхьн. Wе бь билани бә чахе wәʹде бьжартьна wәʹдәдәрбазкьрьне әм һәма öса бькьн. Мәсиһийе билан дьрʹәвә жь wәʹдәдәрбазкьрьнед öса, кʹижан кö бь принсипед Кʹьтеба Пироз qәдәхәкьри нә. Әw öса жи хwә дур дьгьрә жь wәʹдәдәрбазкьрьнед öса, йед кö бьн шькеда ньн у дькарьн мә рʹöһʹанида сьст кьн (Мәтʹәлок 4:25-27). Һәрге әм хwә qәwи Хәбәра Хwәдева бьгьрьн, әв wе али мә бькә һәма öса жи бькьн.

16. (а) Жь чь wе бе кʹьфше кö ньһерʹандьна мә мина ньһерʹандьна Йаһоwа йә? (б) Чь гәрәке мәрʹа бьбә хәйсәт?

¹⁶ Мәсиһийед рʹаст чахе wәʹдәдәрбазкьрьне дьжберьн, бәре пешьн ньһерʹандьна Йаһоwа һьлдьдьн һʹәсаб. Дь Кʹьтеба Пирозда ньвисар ә дәрһәqа ньһерʹандьн у нормед Йаһоwа. Сьлеман пʹадша ньвиси дәрһәqа wе йәке кö Йаһоwа чь нәфрʹәт дькә, мәсәлә «зьмане дәрәwин у дәстед кö хwина бесущан дьрьжинә; Дьле фәнәк, льнген бәр бь хәрабийе вә дьчьн» (Мәтʹәлок 6:16-19). Ле ньһерʹандьна Йаһоwа ча гәрәке ль сәр тә һʹöкöм кә? Зәбурбеж мә һелан дькә: «Кәсен кö жь Йаһоwа һʹәз дькьн, жь хәрабийе нәфрʹәт бькьн» (Зәбур 97:10, ДО). Жь бьжартьна wәʹдәдәрбазкьрьна тә wе бе кʹьфше, wәки чь кö Йаһоwа нәфрʹәт дькә тö жи нәфрʹәт дьки (Галати 5:19-21). Чахе тö тʹәне йи, һьнге жь шьхöлед тә бь рʹасти те кʹьфше, әки тö мәрьвәки чь щурʹә йи (Зәбур 11:4; 16:8). Ләма жи, һәрге тö дьхwази бь дьл у щан дь һʹәму  дәрәщед жийина хwәда ньһерʹандьна Йаһоwа һьлди һʹәсаб, тöйе тʹьме ль гора принсипед Кʹьтеба Пироз шьхöле хwә сафи ки. У һеди-һеди әв йәк wе тәрʹа бьбә хәйсәт (2 Корьнтʹи 3:18).

17. Пешийа кö wәʹдәдәрбазкьрьне дьжберьн әм кʹижан пьрса гәрәке бьдьнә хwә?

¹⁷ Әм чь диса дькарьн бькьн, wәки баwәр бьн кö чахе wәʹдәдәрбазкьрьна дьжберьн, һәр тьшти ль гора ньһерʹандьна Йаһоwа дькьн? Бьфькьрә ль сәр пьрсәкә öса: «Гәло әв бьжартьна мьн wе ча һʹöкöм кә ль сәр мьн у ль сәр һәләqәтийа мьн тʹәви Хwәде?» Мәсәлә, пешийа кö сафи ки бьньһерʹи кино, йан на, пьрсе бьдә хwә: «Ча нета ве кинойе дькарә ль сәр исафа мьн һʹöкöм кә?» Ньһа әме бьньһерʹьн кö кʹижан принсип дькарьн дь ве дәрәщеда али мә бькьн.

18, 19. (а) Филипи 4:8 ча али мә дькә кö wәʹдәдәрбазкьрьнед керһати бьжберьн? (б) Бежә wан принсипа йед кö дькарьн али мә бькьн, кö wәʹдәдәрбазкьрьне бьжберьн? (Бьньһерʹә спартьне).

¹⁸ Дь Филипи 4:8-да ньвисар ә әва принсипа фәрз: «Чь кö бь рʹастийе йә, чь кö бь маqултийе йә, чь кö бь һәqийе йә, чь кö бь һʹәлалийе йә, чь кö бь хwәшийе йә, чь кö бь фьрасәтийе йә у һәр тьштед кö әʹсьли у лайqи qәнщготьне нә, сәр ван тьшта бьфькьрьн». Рʹаст ә Паwлос вьра хәбәр надә дәрһәqа wәʹдәдәрбазкьрьне, ле хәбәр дьдә дәрһәqа фькьред дьл, йед кö гәрәке һәма ль сәр wан тьшта бьн, чь кö дьле Йаһоwа хwәш те (Зәбур 19:14). Ле әм ча дькарьн гьлийе Паwлос һьлдьн һʹәсаб чахе wәʹдәдәрбазкьрьна дьжберьн?

¹⁹ Пьрсе бьдә хwә: «Гәло әw кинойед кö әз дьньһерьм, кʹьламед кö дьбьһем, видеолистьк у wәʹдәдәрбазкьрьнед майин, һʹьше мьн wе бь тьштед öса «чь кö бь һʹәлалийе йә», тʹьжә бькә, йан на?» Мәсәлә, кʹижан нет у шькьл дь һʹьше тәда дьминә паши wе йәке чахе тә кинойе ньһерʹи? Һәрге әw баш ьн, тʹәмьз ьн у һʹәwас ьн wи чахи тö дькари бежи кö wәʹдәдәрбазкьрьна тә керһати бу. Ле һәрге паши  ньһерʹандьна кинойе тö дьфькьри дәрһәqа тьштед нә тʹәмьз, wәки öса нә, wәʹдәдәрбазкьрьна тә бекер у зийандар бу (Мәтта 12:33; Марqос 7:20-23). Гәло чьма? Чьмки фькьрандьн дәрһәqа тьштед нә тʹәмьз рʹьһʹәтийе надә тә, бьриндар дькә исафа тәйә бь Кʹьтеба Пироз һинкьри у öса жи һәләqәтийа тә тʹәви Йаһоwа Хwәде хьраб дькә (Әфәси 5:5; 1 Тимотʹейо 1:5, 19). Һәрге öса нә, әм гәрәке перʹа-перʹа жь wәʹдәдәрбазкьрьнед ви щурʹәйи бьрʹәвьн (Рʹомайи 12:2). * Чʹәʹв бьдә зәбурбеж йе кö Йаһоwарʹа дöа дькьр «жь бо кö ль тьштед беqимәт нәнәрʹьм, чʹавед мьн бьзьвьринә» (Зәбур 119:37, ДО).

20, 21. 1 Корьнтʹи 10:23, 24 ча гьредайи йә тʹәви бьжартьна wәʹдәдәрбазкьрьне?

²⁰ Паwлос принсипәкә фәрз жь Кʹьтеба Пироз гот, кʹижан кö лазьм ә һьлдьн һʹәсаб чахе тьштәки сафи дькьн. Әwи ньвиси: «Һәр тьшт әʹдәт ә, бәле, ле һәр тьшт нә кʹар ә. Һәр тьшт әʹдәт ә, ле һәр тьшт ава накә. Нәбә кö йәк кʹара хwә бьгәрʹә, ле йа һәвале хwә» (1 Корьнтʹи 10:23, 24). Әв принсип чаwа тʹәви бьжартьна wәʹдәдәрбазкьрьне гьредайи йә? Пьрсе бьдә хwә: «Бьжартьна wәʹдәдәрбазкьрьна мьн wе ча һʹöкöм кә ль сәр мәрьвед дьн?»

²¹ Дьбәк исафа тә изьне дьдә тә бьжбери wәʹдәдәрбазкьрьна öса, йа кö бь ньһерʹандьна тә «әʹдәт ә», йан жи баш ә. Ле һәрге тö тʹәхмин дьки, кö хушк-бьра исафа кʹижана кö назьк ә дьфькьрьн кö әв бьжартьна тә нә баш ә, wи чахи дьбәк тö сафи ки әве wәʹдәдәрбазкьрьне инкʹар ки. Гәло чьма? Чьмки тö нахwази «гöнәһ» ль һьмбәри хушк-бьред хwә бьки, у öса жи ча Паwлос гот нахwази «ль һьмбәр Мәсиһ гöнәһ» бьки, чьмки һәрге әм öса нәкьн wе хушк-бьред мәрʹа чәтьн бә Хwәдерʹа амьн бьминьн. Тö фәʹм дьки  фәрзбуна ширәта Паwлос кö гот wәки ньг нәвежьнә ль бәр хушк-бьра (1 Корьнтʹи 8:12; 10:32). Иро Мәсиһийед рʹаст һьлдьдьнә һʹәсаб ширәтед Паwлосә керһати, у хwә жь wәʹдәдәрбазкьрьнед öса дур дьгьрьн йед кö «әʹдәт» ьн ле нә «кʹар» ьн (Рʹомайи 14:1; 15:1).

22. Чьма пьрса wәʹдәдәрбазкьрьнеда Мәсиһи гәрәке нәкә сәр йед майин wәки бь ньһерʹандьна wи бькьн?

²² Сәва кö бона йед майин бьфькьрьн, гәрәке диса тьштәки фәрз һьлди һʹәсаб. Мәсиһи исафа кʹижани кö назьк ә гәрәке нәкә сәр йед майин, кö wәʹдәдәрбазкьрьне бь ньһерʹандьна wи бьжберьн. Йан на, әw wе бьбә мина ажованәки кö ль сәр рʹе йә у дьхwазә wәки һәр ажованәк, автойе бь wе ләзбуне бажо ча кö әв дажо. Дәʹwакьрьна öса нә аqьлайи йә. Жь бо һʹьзкьрьна һьндава хушк-бьра, Мәсиһийе кö исафа wи назьк ә, гәрәке qәдьре ньһерʹандьна wан Мәсиһийа бьгьрә, ньһерʹандьна кʹижана кö жь йа wи щöдә дьбә, ле мьqабьли принсипед Кʹьтеба Пироз нинә. Бь ве йәке «бәрбьһерийа» wи «һʹәму мәрьвава әʹйан бә» (Филипи 4:5; Wаиз 7:16).

23. Әм ча дькарьн бьзаньбьн, кö әм wәʹдәдәрбазкьрьнед керһати дьжберьн?

²³ Жь ви сәри әм чь пеһʹәсийан, демәк әм чаwа дькарьн бьзаньбьн кö мә wәʹдәдәрбазкьрьна керһати бьжартийә? Әм гәрәке инкʹар кьн һʹәму щурʹе wәʹдәдәрбазкьрьнед öса дь кʹижанада әʹйан тенә кʹьфше кьред зöлми у бенамуси, йед кö Йаһоwа Хwәде нәфрʹәт дькә. Чахе дәрһәqа wәʹдәдәрбазкьрьнәке, дь Кʹьтеба Пирозда тʹö тьшт конкрет нәһатийә готьне, wи чахи бона бьжартьне, бь принсипед Кʹьтеба Пироз рʹебәри бә. Бьрʹәвә жь wәʹдәдәрбазкьрьнед öса, йед кö дькарьн исафа тә qреж кьн, у һазьр бә жь wәʹдәдәрбазкьрьнед öса жи бьрʹәви, жь бо кʹижана дьле мәрьвед дьн дькарә бьриндар бә, илаһи дьле хушк-бьред тә. Һәрге тö öса бьки, тöйе Хwәде һöрмәт ки у тʹәви малбәта хwә нава һʹьзкьрьна Хwәдеда бьмини.