1, 2. Сәва чь тö Йаһоwа Хwәде һʹьз дьки?

ТÖ ХWӘДЕ һʹьз дьки? Һәрге тә хwә тʹәсмили Йаһоwа Хwәде кьрийә, демәк тö wи бь дьл у щан бежи: «Бәле» у тö рʹаст дьки. Мәрʹа чәтьн нинә Йаһоwа һʹьз бькьн. Чьмки һʹьзкьрьна мә һьндава Хwәде, әв һәйә щаба һʹьзкьрьна Хwәде һьндава мә. Кʹьтеба Пироз дәрһәqа ве йәке öса дьбежә: «Әм һʹьз дькьн, чьмки әwи [Йаһоwа] пешда әм һʹьзкьрьн» (1 Йуһʹәнна 4:19).

² Бь рʹасти пешийе Йаһоwа әм һʹьз кьрьн. Әwи әʹрде бәдәw дайә мә кö ль сәр бьжин. Әw хәм дькә дәрһәqа һʹәwщед мәйи бәдәни (Мәтта 5:45). Ле һе фәрз әw ә, кö Йаһоwа хәм дькә бона һʹәwщед мәйи рʹöһʹани. Әwи Хәбәра хwә Кʹьтеба Пироз да мә. Хенщи ве йәке, әw мә һелан дькә wәки әм wирʹа дöа бькьн у мә дьдә баwәркьрьне кö wе мә бьбьһе. Һьм жи әw рʹöһʹе хwәйи пироз дьдә мә сәва али мә бькә (Зәбур 65:2; Луqа 11:13). У һәри гьринг әw ә, кö Йаһоwа, Кöрʹе хwәйи һʹьзкьри шанд, wәки мә жь гöнә у мьрьне аза кә. Бәле, Йаһоwа һʹьзкьрьнәкә пʹьрʹ мәзьн һьндава мә да кʹьфше! (Бьхунә Йуһʹәнна 3:16; Рʹомайи 5:8).

3. (а) Чь лазьм ә бькьн, wәки нава һʹьзкьрьна Йаһоwада бьминьн? (б) Дәрһәqа кʹижан пьрсәкә фәрз әм гәрәке бьфькьрьн у кʹидәре әм дькарьн щаба ве пьрсе бьвиньн?

 ³ Йаһоwа дьхwазә wәки әм һʹәта-һʹәтайе кʹаре бьстиньн жь һʹьзкьрьна wи. Әв йәк мәва гьредайи йә. Хәбәра Хwәде мә һелан дькә: «Хwә нава wе һʹьзкьрьна Хwәдейә һьндава хwәда хwәй кьн, .  .  . кö жийина һʹәта-һʹәтайе бьдә wә» (Щьһуда 21). Хәбәра «хwәй кьн», дьдә кʹьфше wәки лазьм ә жь алийе хwәда qәwате бьдьнә хәбате, кö бькарьбьн нава һʹьзкьрьна Хwәдеда бьминьн. Әм гәрәке бь шьхöлед хwә щаба һʹьзкьрьна Хwәде бьдьн. Һәла бьфькьрьн ль сәр пьрсәкә öса: «Ча әз дькарьм һʹьзкьрьна хwә һьндава Хwәде бьдьмә  кʹьфше?» Щаба ве пьрсе әм дьвиньн гьлийе Йуһʹәннайе шандида, йе кö жь бина бәр Хwәде öса ньвиси: «Бь ве йәке әм һʹьзкьрьна хwә һьндава Хwәдеда дьдьнә кʹьфше, гава әм тʹәмийед wи дьqәдиньн. У тʹәмийед wи нә гьран ьн» (1 Йуһʹәнна 5:3). Әм гәрәке кʹур леколин бькьн, кö нета ван гьлийа пебьһʹәсьн, чьмки әм дьхwазьн Хwәдерʹа нишан кьн, wәки әм wи һʹьз дькьн.

4, 5. (а) Гьлийе «һʹьзкьрьна . . . һьндава Хwәдеда» чь тенә һʹәсабе? (б) Гьли кә, кö ча һʹьзкьрьна тә һьндава Йаһоwа, дьле тәда пешда һат.

⁴ Йуһʹәннайе шанди, бь ван гьлийа «һʹьзкьрьна . . . һьндава Хwәдеда», чь дьхwәст бьгота? Әwи нә кö дәрһәqа һʹьзкьрьна Хwәде һьндава мәда дьгот, ле дәрһәqа һʹьзкьрьна мә һьндава Хwәде. Дькари бьки бира хwә, кö чь чах дьле тәда һʹьзкьрьн һьндава Йаһоwа пешда һат?

⁵ Бькә бира хwә әw wәʹдә, чахе тö щара пешьн рʹастийе дәрһәqа Йаһоwа Хwәде у нет-фькьред wи пеһʹәсийайи, у öса жи кö әw wәʹдә чахе баwәрбун бал тә пешда һат. Пешийе тә фәʹм кьр, wәки тö гöнәкʹар һати буйине у жь Хwәде qәтийайи буйи. Ле Йаһоwа бь сайа Иса Мәсиһ, мәщал дайә тә кö бьгьһижи кʹамьлийе, у бьстини жийина һʹәта-һʹәтайе йе кö Адәм öнда кьр (Мәтта 20:28; Рʹомайи 5:12, 18). Паше тә дәстпекьр бьшекьрини qöрбана qимәт, йа кö Йаһоwа да, чахе Кöрʹе хwәйи лапи әʹзиз шанд, кö бона тә бьмьрә. Әве йәке дьле тә гьрт у тә дәстпекьр Йаһоwа Хwәде һʹәз бьки, чьмки әwи һьндава тәда һʹьзкьрьнәкә мәзьн нишан кьрийә. (Бьхунә 1 Йуһʹәнна 4:9, 10).

6. Һʹьзкьрьна рʹаст ча те кʹьфше? Һʹьзкьрьн һьндава Йаһоwа Хwәде тә һелан кьр чь бьки?

⁶ Һʹьзкьрьн әв тʹәне емосийа у гьли нинә. Һʹьзкьрьна рʹаст әв һе зедә йә, нә кö тʹәне бежьн: «Әз Йаһоwа һʹьз  дькьм». Һʹьзкьрьна рʹаст мина баwәрийе, бь шьхöла те кʹьфше (Аqуб 2:26). Чахе тö кәсәки һʹьз дьки, тö тьште öса дьки, чь кö wи мәрьвирʹа хwәш те. Ләма жи, чахе дьле тәда һʹьзкьрьн һьндава Йаһоwа пешда һат, тә хwәст öса бьжийи кö дьле Баве хwәйи әʹзмана ша ки. Һәрге тö ньхöманди йи, демәк һʹьзкьрьн у амьнийе тö һелан кьри, wәки әве сафикьрьна лапә фәрз дь жийина хwәда бьки. Сәва кö qьрара Йаһоwа бини сери, тә хwә тʹәсмили wи кьрийә, у тә тʹәсмилбуна хwә бь симболик бь ньхöмандьне дайә кʹьфше. (Бьхунә Рʹомайи 14:7, 8). Сәва кö әве созе фәрз бьqәдиньн, йе кö мә wәʹде хwәтʹәсмилкьрьне дайә Йаһоwа, wәрә әм бьньһерʹьн Йуһʹәннайе шанди диса чь дьбежә.

7. Кʹижан һьнә тʹәмийа Йаһоwа дьдә мә у чь те һʹәсабе әw бьqәдиньн?

⁷ Йуһʹәнна шьровәдькә, кö Хwәде һʹьз кьн, те һʹәсабе «тʹәмийед wи бьqәдиньн». Гәло кʹижан тʹәми? Бь сайа Хәбәра хwә, демәк Кʹьтеба Пироз, Йаһоwа мәрʹа һьнә тʹәмийед конкрет дьдә. Мәсәлә, әw qәдәхә дькә сәрхwәшбуне, qавийе, пʹутпʹарьстийе, дьзийе у дәрәwийе (1 Корьнтʹи 5:11; 6:18; 10:14; Әфәси 4:28; Колоси 3:9). Бьqәдиньн тʹәмийед Хwәде, те һʹәсабе кö бьжин ль гора wан норма, йед кö дь Кʹьтеба Пирозда ньвисар ьн.

8, 9. Чаwа тедәрхьн кö чь дьле Йаһоwа хwәш те, чахе дь Кʹьтеба Пирозда щаба конкрет тʹöнә? Мәсәле бинә.

⁸ Сәва кö дьле Йаһоwа ша кьн, бәс нинә тʹәне гöрʹа тʹәмийед wи бькьн, ле әм гәрәке һе зедә бькьн. Йаһоwа сәва һәр дәрәщед жийина мә, мәрʹа синор у qануна данайнә. Һәр рʹож әм дькарьн бькʹәвьнә щурʹә-щурʹә дәрәщә, дәрһәqа кʹижана кö дь Кʹьтеба Пирозда тʹәмийед конкрет тʹöнәнә. Ле wи чахи, әм ча дькарьн тедәрхьн, кö чь дьле Йаһоwа хwәш те? Дь Кʹьтеба Пирозда зәлал те шьровәкьрьне нет-фькьред Йаһоwа. Чахе әм Кʹьтеба Пироз  һин дьбьн, әм педьһʹәсьн кö Йаһоwа чь һʹьз дькә у чь нәфрʹәт дькә. (Бьхунә Зәбур 97:10; Мәтʹәлок 6:16-19) . Әм öса жи дәстпедькьн фәʹм бькьн, кö Йаһоwа кʹижан ньһерʹандьн у шьхöла qәбул дькә. Чьqас һе зедә әм пебьһʹәсьн дәрһәqа хәйсәт-һʹöнöред Йаһоwа у qьрара wи, һаqас һе зедә әме бькарьбьн нав хwәда пешда биньн ньһерʹандьна wи, у әв йәк wе һʹöкöм кә ль сәр сафикьрьн у шьхöлед мә. Ләма жи, һәрге әм бькʹәвьнә дәрәщәкә öса дәрһәqа кʹижани кö дь Кʹьтеба Пирозда qанунед конкрет тʹöнә, йәкә әме бькарьбьн «qьрара Хöдан» тедәрхьн (Әфәси 5:17).

⁹ Мәсәлә, Кʹьтеба Пироз конкрет нәбежә, wәки телевизийонеда нәньһерʹьн кино у бәрнамед öса, кʹижанада зорбәтийа зöлм һәйә, йан жи qави у зьни. Ле гәло бона ве йәке мәрʹа лазьм ә qануна конкрет, йе кö qәдәхә дькә кинойед öса бьньһерʹьн? Әм заньн, кö ньһерʹандьна Йаһоwа һьндава ве йәке ча нә. Дь Хәбәра Хwәдеда зәлал те готьне: «[Йаһоwа] кәсед хәраб у йен кö жь зордарийе һәз дькьн, нәфрәте дькә» (Зәбур 11:5, ДО). Дь Кʹьтеба Пирозда öса жи те готьне, wәки: «Хwәде wе диwана чʹәʹвдәр у зьнекʹара бькә» (Ибрани 13:4). Һәрге әм бьфькьрьн ль сәр ван хәбәра, йед кö жь бина бәр Хwәде һатьнә ньвисаре, әме бькарьбьн фәʹм бькьн кö бь рʹасти qьрара Йаһоwа чь йә. У әме нәньһерʹьн әw бәрнамед кö Йаһоwа нәфрʹәт дькә. Әва дьнйа шьхöлед бенамуси дьдә кʹьфше ча шабунәкә нәхьраб. Ле һәрге әм хwә жь ван шьхöла хwәй кьн, әме дьле Йаһоwа ша кьн. *

10, 11. Чьма әм гöрʹа Йаһоwа дькьн у чь щурʹәйи?

¹⁰ Чь мә һелан дькә тʹәмийед Хwәде бьqәдиньн? Әм чьма дьхwазьн һәр рʹож öса бьжин, чаwа Йаһоwа дьхwазә? Әм öса дькьн нә сәва ве йәке кö жь щәзакьрьна Хwәде бьрʹәвьн, йан жь бо тьрсе  кö тьштед хьраб нәйенә сәре мә, жь бо wе йәке кö әм qьрара Хwәде һьлнадьн һʹәсаб (Галати 6:7). Ле әм гöрʹа Йаһоwа дькьн, чьмки дьхwазьн нишан кьн кö әм wи һʹьз дькьн. Мина зарʹа кö дьхwазә бьстинә qәбулкьрьна баве хwә, әм жи дьхwазьн qәбулкьрьна Йаһоwа бьстиньн (Зәбур 5:12). Әв Баве мә йә, у әм wи һʹьз дькьн. Тʹö тьшт шабун у рʹьһʹәтийа öса мәзьн мәрʹа найнә, ча занәбуна wе йәке кö Йаһоwа мә qәбул дькә (Мәтʹәлок 12:2).

¹¹ Әм нә жь бо мәщбурийе гöрʹа Хwәде дькьн. * Әм наqәдиньн тʹәне wан тʹәмийа йед кö мәрʹа дәст дьдьн. Әм öса жи гöрʹа Хwәде дькьн нә тʹәне wи чахи, чахе әв йәк мәрʹа һеса йә. Ле әм «бь дьл у щан» гöрʹа Хwәде дькьн (Рʹомайи 6:17). Әм qайил ьн тʹәви гьлийе зәбурбеж, йе кö ньвисийә: «Әз жь әмьред тә зәwqе дьгьрьм, жь wан һʹәз дькьм» (Зәбур 119:47). Бәле, әм дьхwазьн гöрʹа Йаһоwа бькьн, чьмки әw һежа йә. Һьм жи Йаһоwа хwәха жь мә дәʹwа дькә, кö әм бь тʹәмами wирʹа хьзмәт кьн (Qануна Дöщари 12:32). Әм дьхwазьн, wәки Йаһоwа бона мә жи wан гьлийа бежә, чь кö әwи дь Хәбәра хwәда дәрһәqа Нöһ пʹехәмбәр готийә. Бәле, Нöһ һʹьзкьрьна хwә һьндава Хwәде да кʹьфше. Әw нава гәләк салада гöрʹа Хwәде дькьр. Дь Хәбәра Хwәдеда дәрһәqа wи öса те готьне: «Нöһ һәр тьшт кьр, Хwәде чаwа тʹәми дабу wи, әwи öса жи кьр» (Дәстпебун 6:22, ПКʹМ).

12. Чь чах гöһдарийа мә дьле Йаһоwа ша дькә?

¹² Гәло Йаһоwа Хwәде чь тʹәхмин дькә чахе әм бь дьл у щан гöрʹа wи дькьн? Дь Хәбәра Хwәдеда те готьне, кö бь ве йәке әм дьле wи ша дькьн (Мәтʹәлок 27:11). Гәло бь рʹасти гöһдарийа мә дьле Хwәдейе Һьмзор ша дькә?  Бе шьк! Әв йәк дьле wи гәләк ша дькә у мәʹнийа ве йәке һәйә. Йаһоwа әм әʹфьрандьнә бь азайа бьжартьне. Әв те һʹәсабе кö азайа мә һәйә хwәха сафикьрьна бькьн, демәк әм дькарьн бьжберьн гöрʹа Хwәде бькьн, йан на (Qануна Дöщари 30:15, 16, 19, 20). Чахе әм бь дьл у щан гöрʹа Йаһоwа дькьн у wи һʹьз дькьн, һьнге дьле мә, мә һелан дькә гöрʹа wи бькьн. Бь ве йәке әм шабуна пʹьрʹ мәзьн дьдьнә Баве хwәйи әʹзмана (Мәтʹәлок 11:20). У һьм жи әм дьжберьн рʹийа жийине йа лапә баш.

13, 14. Чьрʹа әм дькарьн бежьн, wәки «тʹәмийед wи нә гьран ьн»? Мәсәле бинә.

¹³ Йуһʹәннайе шанди, дәрһәqа тʹәмийед Йаһоwа тьште öса дьбежә: «Тʹәмийед wи нә гьран ьн» (1 Йуһʹәнна 5:3). Тʹәмийед Йаһоwа бь биланийе тʹьжә нә у нә гьран ньн. Мәрьвед qöсурдаррʹа чәтьн нинә qанунед Йаһоwа бьqәдиньн.

¹⁴ Әм дькарьн мәсәләкә öса биньн. Һәвале тәйи незик һиви жь тә дькә, wәки тö али wи бьки мала wи ава ки. У сәва ве йәке лазьм ә, wәки гәләк дар щигöһәсти кьн. Һьнә жь ван дара сьвьк ьн у мәрикирʹа һеса йә кö щигöһәсти кә, ле йед дьн гьран ьн у wәки wана щигöһәсти кьн дö мәри лазьм ьн. Һәвале тә дара дьжберә у дьдә тә кö щигöһәсти бьки. Гәло әwе бьхwазә wәки тö әwан дара щигöһәсти ки, йед кö жь qәwата тә дәр ьн? На, чьмки әw нахwазә wәки тö бь ве йәке хwә тәʹл ки. Бь ви щурʹәйи, Баве мәйи бь һʹьзкьрьн тʹьжә у дьлрʹәʹм тьштед чәтьн жь мә дәʹwа накә (Qануна Дöщари 30:11-14). Әw wе тʹö щар жь мә дәʹwа нәкә бьqәдиньн тʹәмийед öса гьран, кö бона мә чәтьн бә. Йаһоwа занә кö әм чьqас дькарьн бькьн у чьqас нькарьн, чьмки «әw  . . . әфьрандьна мә дьзанә; дь бира хwә дә тинә, кö әм ах ьн» (Зәбур 103:14, ДО).

15. Чьма әм дькарьн баwәр бьн, wәки тʹәмийед Йаһоwа кʹарәкә мәзьн мәрʹа тиньн?

 ¹⁵ Тʹәмийед Йаһоwа мәрʹа гьран ниньн у кʹарәкә мәзьн тиньн. (Бьхунә Ишайа 48:17). Ләма жи Муса пʹехәмбәр Исраелийарʹа гот: «Хöдан ль мә әʹмьр кьр кö һʹәму ван qәйдә-qануна хwәй кьн, жь Хöдан Хwәдейе хwә бьтьрсьн, wәки тʹәмамийа рʹожед мәда мәрʹа qәнщ бә, мә сах бьһелә мина рʹожа иройин» (Qануна Дöщари 6:24, ПКʹМ). Әм жи дькарьн баwәр бьн, wәки әв qанунед кö Йаһоwа дьдә мә, сәва һʹалхwәшийа мә йә. Әв бь рʹасти жи öса нә. Чьмки Йаһоwа Хwәде бь биланийе тʹьжә йә (Рʹомайи 11:33). Ләма жи Йаһоwа занә чь сәва мә һе баш ә. Хенщи ве йәке Йаһоwа һәйә һʹьзкьрьн (1 Йуһʹәнна 4:8). Һʹьзкьрьн, хәйсәта Йаһоwайи лапи фәрз ә, йе кö һʹöкöм дькә ль сәр һʹәму готьн у шьхöлед wи. Һʹьзкьрьн, һʹиме һʹәму тʹәмийа йә, йед кö Йаһоwа Хwәде дьдә хьзмәткʹаред хwә.

16. Рʹаст ә әв дьнйа зöлм у бәдәна мәйә гöнәкʹар ль сәр мә һʹöкöм дькьн, ле чьма әм баwәр ьн кö дькарьн гöһдар бьн?

¹⁶ Фәʹмдари йә, wәки һеса нинә гöрʹа Хwәде бькьн. Әм гәрәке мьqабьли ве дьнйа зöлм дәрен, йа кö ль сәр мә һʹöкöм дькә у «бьн һʹöкöме Йе Хьрабда йә» (1 Йуһʹәнна 5:19). Хенщи ве йәке, әм гәрәке мьqабьли бәдәна хwәйә гöнәкʹар дәрен, йа кö мә һелан дькә qанунед Хwәде инкʹар кьн (Рʹомайи 7:21-25). Ле бь сайа һʹьзкьрьна хwә һьндава Хwәде, әм дькарьн wан һʹәму тʹәмийа пек биньн. Йаһоwа кʹәрәм дькә wан мәрийа, йед кö дьхwазьн бь гöһдарийа хwә һʹьзкьрьна хwә һьндава Хwәде нишан кьн. Әw öса жи рʹöһʹе хwәйи пироз дьдә wан мәрийа, йед кö «гöрʹа wида» ньн у wи qәбул дькьн ча сәрwере хwә (Кʹаред Шандийа 5:32). Әв рʹöһʹ али мә дькә, wәки нав мәда бәред баш пешда бед, демәк хәйсәт-һʹöнöред qимәт кö дькарьн али мә бькьн гöһдар бьн (Галати 5:22, 23).

17, 18. (а) Дь ве кʹьтебеда әме дәрһәqа чь хәбәр дьн у wәʹде шеwьркьрьне әм чь гәрәке бир нәкьн? (б) Сәре майинда әме дәрһәqа чь хәбәр дьн?

 ¹⁷ Дь ве кʹьтебеда әме хәбәр дьн дәрһәqа принсип у нормед Йаһоwайи тʹәмьз, у öса жи дәрһәqа гәләк тьштед дьн кʹидәре кö qьрара Йаһоwа те кʹьфше. Чахе әм дәрһәqа принсипед Йаһоwа хәбәр дьдьн, гәләк фәрз ә wәки һьнә тьшт бира хwәда хwәй кьн. Мәсәлә, Йаһоwа зоре накә сәр мә, кö әм хwә ль принсип у qанунед wи бьгьрьн; ле дәwсе Әw дьхwазә wәки гöһдарийа мә, бь дьл у хwәстьна мә бә. Wәрен әм бир нәкьн кö Йаһоwа дьхwазә, wәки әм бь шьхöлед хwә ида ньһа бенә кʹәрәмкьрьне у ахьрийеда жи жийина һәрһәйи бьстиньн. Тʹö щар бир нәкьн, кö бь гöһдарийа хwә әм дькарьн Йаһоwарʹа нишан кьн кö чьqас әм wи һʹьз дькьн.

¹⁸ Сәва кö әм бькарьбьн тьштед баш жь тьштед хьраб тедәрхьн, Йаһоwа исаф дайә мә. У ве йәкеда һʹьзкьрьна wи те кʹьфше. Сәва кö исафа мә рʹьнд рʹебәрийа мә бькә, әм гәрәке исафа хwә һин кьн. Дәрһәqа ве йәке әме сәре дьнда хәбәр дьн.