Нава һʹӧкӧмәтийеда корупсийа проблемәкә бәлабуйи йә, кʹижан кӧ ахьрийа хьраб пәй хԝә тинә. a Мәсәлә, ԝәʹде пандәмийа COVID-19 чәнд ԝәлатада мәрьвед хԝәйиһʹӧкӧм йәк пәй йәке дьһатьнә нәһәԛкьрьне сәва ԝе йәке кӧ ԝана әв пʹәрә кьрьбунә щева хԝә, кʹижан кӧ һатьбу дайине бона пешийа ԝе нәхԝәшийе шәрʹ кьн. Жь бо ԝе йәке, мәрьва ида нькарьбун ԛәнщкьрьна лазьм у баш бьстандана у гәләк мьрьн.

 Корупсийа ахьрийа гәләк хьраб пәй хԝә тинә. Девид Камерон, кӧ бәре сәрокԝәзире Британйа Мәзьн бу, дәрһәԛа ве йәке ӧса гот: «Корупсийа мина тʹорʹәкә мәзьн ә у гәләк ԝәлат кʹәтьнә ве тʹорʹе, ча бькʹәвьнә тʹәльке».

 Чь жи һәбә әм дькарьн баԝәр бьн, кӧ зутьрәке һʹәму щурʹә корупсийа ԝе бе кʹӧтакьрьне. Ле чьрʹа әм ве йәкеда баԝәр ьн? Дина хԝә бьдьне кӧ Кʹьтеба Пироз чь дьбежә.

 Кʹьтеба Пирозда Хԝәде дьбежә: «Әз Хӧдан, әз жь әʹдаләте [һәԛийе] һʹьз дькьм у жь хьраби у нәһәԛийе нәфрʹәте дькьм» b (Ишайа 61:8, ИМ). Хԝәде дьвинә чахе мәрьв жь бо корупсийайе дьчәрчьрьн (Мәтʹәлок 14:31). Әԝ соз дьдә: «Бона хатьре фәԛиред шеланди . . . Әзе ньһа рʹабьм» (Зәбур 12:5).

 Хԝәде ԝе чь бькә? Әԝе нә кӧ ԝан пʹадшатийа бьгӧһерʹә у рʹаст кә, ле ԝе дәԝса ԝан сәрԝертийа хԝә кʹьфш кә, кӧ те навкьрьне «Пʹадшатийа Хԝәде» (Марԛос 1:14, 15; Мәтта 6:10). Кʹьтеба Пироз дьбежә: «Дь рʹожед ԝан пʹадшада, Хԝәдайе әʹзмана ԝе пʹадшатийе кʹьфш кә . . . Әԝ ԝе әԝан һʹәму пʹадшатийа һурдәхԝәши кә у кʹӧта кә, ле хԝәха ԝе һʹәта-һʹәтайе бьминә» (Данийел 2:44, ДТʹ). Бь ви щурʹәйи Хԝәде ԝе корупсийайе кʹӧта кә.

 Әм жь кʹӧ заньн ԝәки Пʹадшатийа Хԝәде ԝе бе корупсийа бә? Ԝәрен әм дина хԝә бьдьн фькьред кӧ жере һатьнә дайине.

1.   Ԛәԝат. Әв Пʹадшати жь Хԝәдайе Һьмзор ԛәԝате дьстинә (Әʹйанти 11:15).

    Чьма әв йәк фәрз ә: Сәрԝертийа мәрьва пе пʹәред бажарвана те хԝәйкьрьне. Гәләк щар әԝ дьбә һʹиме рʹӧшәтийе, дьзийе у мьхәнәтийед дьн. Ле Хԝәдайе Һьмзор пьштгьрийа Пʹадшатийа әʹзмана дькә, ләма жи әв пʹадшати дькарә бона һʹәԝщед бьнәлийед хԝә хәм бькә (Зәбур 145:16).

2.   Сәрԝер. Хԝәде Иса Мәсиһ кʹьфш кьрийә ча сәрԝере ве Пʹадшатийе (Данийел 7:13, 14).

    Чьма әв йәк фәрз ә: Һәла һе сәрԝеред лапи баш жи дькарьн бькʹәвьнә бьн һʹӧкӧме хьрабийе (Ԝаиз 7:20). Ле Иса нә мина ԝан ә у рʹӧшәт нькарә сәр ԝи һʹӧкӧм бә (Мәтта 4:8-11). Хенщи ԝе йәке, һʹәму кьред ԝида те кʹьфше һʹьзкьрьна ԝи һьндава бьнәлийед ԝи, чьмки әԝ бона һʹалхԝәшийа ԝан хәм дькә (Зәбур 72:12-14).

3.   Ԛанун. Ԛанунед Пʹадшатийа Хԝәде беԛьсур ьн у шабуне тиньн (Зәбур 19:7, 8).

    Чьма әв йәк фәрз ә: Гәләк щар ԛанунед мәрьва чәтьн ьн, баргьрани нә у рʹьнд найенә хәбьтандьне, чь кӧ дьбә мәʹнийа корупсийайе. Ле ԛанунед Хԝәде керһати нә у кʹарәкә мәзьн тиньн (Ишайа 48:17, 18). Хенщи ԝе йәке, ԛанунед Хԝәде нә кӧ тʹәне рʹабун-рʹуньштьна мәрийа алийе башда рʹаст дькьн, ле ӧса жи нет-мәрәмед дьле ԝан (Мәтта 22:37, 39). Һьм жи Хԝәде дьла дьхунә у һʹале мәрьва һьлдьдә һʹәсаб, ләма жи әм дькарьн баԝәр бьн, ԝәки ԛанунед ԝи сәр һʹиме дьлшәԝатийе нә (Йерәмйа 17:10).

 Әм ԝә һелан дькьн һе зедә пебьһʹәсьн дәрһәԛа созед жь Кʹьтеба Пироз бона Пʹадшатийа бе корупсийа.

•   Бьхуньн готар «Пʹадшатийа Хԝәде—Сәрԝертийа бе Корупсийа», у һе зедә пебьһʹәсьн дәрһәԛа се мәʹнийа, кӧ чьма Пʹадшатийа Хԝәдеда ԝе тʹӧ щар корупсийа тʹӧнә бә.

•   Сәва һе зедә пебьһʹәсьн дәрһәԛа сәрԝертийа Хԝәде у кӧ ԝе чь бькә бона әʹрде, бьньһерʹьн видео «Чь йә Пʹадшатийа Хԝәде?»

•   Бьщерʹьбиньн курса һинкьрьна Кʹьтеба Пироз у пебьһʹәсьн, кӧ әм жь созед Кʹьтеба Пироз чь кʹаре дькарьн бьстиньн.