Сала 2022-да, 24 Гӧлане, шәһәре бьчʹук Увалдайеда, штата Техасда (Дәԝләтед Йәкбуйи), зордарийа гьран ԛәԝьми. Ль гора рʹожнәʹма «The New York Times», «мәкʹтәбәкида ԛачахәки 19 зарʹ у дӧ дәрсдар кӧштьн».

 Йазьх, тьштед ӧса хьраб гәләк щар дьԛәԝьмьн. Рʹожнәʹмеда «USA Today» һатә әʹламкьрьне, ԝәки тʹәне Дәԝләтед Йәкбуйида, «сала пар мәкʹтәбада 249 щара гӧлә кьрьнә, чь кӧ дәстпебуйи жь сала 1970 рʹәԛәма лапә мәзьн ә».

 Гәло чьма тьштед ӧса хьраб дьԛәԝьмьн? Әм ча дькарьн бәр ԝан чәтьнайа тәйах кьн у дьлтәнг нәбьн? Гәло һевийа мә һәйә, ԝәки зӧлми ԝе бе һьлдане? Кʹьтеба Пироз щаба ԝан пьрса дьдә.

•    Кʹьтеба Пироз рʹожед мә нав дькә «рʹожед ахьрийе» у дәрһәԛа мәрийа жи дьбежә, ԝәки әԝ ԝе бьбьнә «дьлсар» у «зӧлмкʹар». Әв те һʹәсабе ԝәки әԝана ԝе тьштед бехԝәдети бькьн. Мәрьвед ӧса «ԝе хьрабийеда пешда һәрʹьн» (2 Тимотʹейо 3:1-5, 13). Сәва кӧ һе зедә пебьһʹәсьн, бьхуньн готар «Гәло Кʹьтеба Пирозда Һатийә Пʹехәмбәртикьрьне, кӧ Ԝәʹде Мәда Мәрьв ԝе Чь Щурʹәйи бьн?»

 Бал гәләк мәрьва пьрс пешда те: «Гәло чьма Хԝәде әԝ тьштед хьраб, мәсәлә гӧләкьрьнед мәкʹтәбада, надә сәкьнандьне?» Сәва кӧ щаба Кʹьтеба Пироз пебьһʹәсьн, бьхуньн готар «Чьма Мәрьвед Баш Дьчәрчьрьн?»

•    «Чь кӧ пешда кʹьтебада һатә ньвисаре, бона һинбуна мә һатә ньвисаре, ԝәки әм . . . готьнед ньвисарада кӧ бине дьдьнә бәр мә, хԝәйигӧман бьн» (Рʹомайи 15:4).

 Принсипед Кʹьтеба Пироз дькарьн али ԝә бькьн, ԝәки ве дьнйа зӧлмда тәйах кьн. Бона һе зедә әʹламәти бьньһерʹьн журнала «Һʹьшйар Бьн!», бь наве «Гәло Зордари ԝе Бе Һьлдане?»

 Сәва кӧ де-бав бькарьбьн али зарʹед хԝә бькьн, ԝәки әԝана тәйах кьн бәр ԝан чәтьнайа, йед кӧ дьбьһен йан дьвиньн, бьхуньн готар «Чаԝа Нучә сәр Зарʹа Һʹӧкӧм Дьбьн?»

•    «Жь зерандьне у зордарийе ԝан хьлаз дькә» (Зәбур 72:14).

•    «Ԝе шуред ԝан бькә һʹәсьне гисьне у рʹьмед ԝан бькә кʹера рʹезвана. Ԝе гәл ль дьжи гәли шур рʹанәкә у еди һини щәнге [шәрʹ] нәбьн» (Миха 4:3).

 Хԝәде бькә әԝ, чь кӧ жь ԛәԝата мәрийа дәр ә. Пʹадшатийа ԝийи әʹзмани ԝе һʹәму чʹәка кʹӧта кә у зордарийе жи бь тʹәмами бьдә һьлдане. Сәва кӧ һе зедә пебьһʹәсьн, ԝәки Пʹадшатийа Хԝәде ԝе чь бькә, бьхуньн готар «Бьн Сәрԝертийа Пʹадшатийа Хԝәде ԝе ‹Әʹдьлайи Гәләк бә›».