Щьвака Бехофийе йа Тʹәшкиләта Мьләтед Йәкбуйи 19 Гӧлане, сала 2022 жь 75 мәрьвед хԝәйиһʹӧкӧм әʹламәти станд, ԝәки «жь бо пандәмийа COVID-19 у ӧса жи жь бо гӧһастьна климате, һʹәмдьнйайеда хԝарьн кем бу у шәрʹе Украинайеда һʹал һе хьраб дькә». Паше жи рʹожнәʹмәкә Британида һатә ньвисаре ԝәки «әв шәрʹ дьнйа мә, кʹижан кӧ ӧса жи һʹаләки гьранда нә, бәрбь бьрʹчибуне дьбә» («The Economist»). Кʹьтеба Пирозда һатийә пʹехәмбәртикьрьне, ԝәки рʹожед мәда ԝе кемасийа хӧрәк бә, ле ӧса жи ньвисар ә кӧ ԝе чь али мә бькә ве дәрәщеда тәйах кьн.

•    Иса пешда готьбу: «Мьләте рʹабә ль сәр мьләт, пʹадшати ль сәр пʹадшатийе, щи-щийа ԝе хәлайи-щәлайе у әʹрдһʹәже бьбьн» (Мәтта 24:7).

•    Кʹьтеба Пирозда, Әʹйантида дәрһәԛа чар сийаред симболик те готьне. Йәк жь ԝан сийара те һʹәсабе шәрʹ. Пәй ԝирʹа сийарәки дьн те, кӧ те һʹәсабе бьрʹчибун, демәк нишан дькә кӧ хԝарьн һьндьк бә у гәләк бьһа бә. Ньвисар ә: «Мьн дина хԝә дайе, ва һәспәки рʹәш у дәсте сийаре ԝида мезинәк һәбу. Һьнге те бежи мьн дәнгәк бьһист, . . . кӧ дьгот: ‹Чапәкә гәньмә бьчʹук пе зивәки у се чапед бьчʹук щәһ пе зивәки›» (Әʹйанти 6:5, 6).

 Әв пʹехәмбәртийа Кʹьтеба Пироз дәрһәԛа кемасийа хԝарьне, рʹожед мәда те сери, кӧ һатьнә навкьрьне «рʹожед ахьрийе» (2 Тимотʹейо 3:1). Сәва кӧ һе зедә дәрһәԛа «рʹожед ахьрийе» пебьһʹәсьн, бьньһерʹьн видео «Жь Сала 1914 Һʹале Дьнйайе Һатийә Гӧһастьне» у бьхуньн готар «Чар Сийар бь Рʹасти Кʹи нә?»

•    Кʹьтеба Пирозда ширәтед керһати һәнә, кӧ дькарьн али мә бькьн ԝәки дәрәщед хьрабда тәйах кьн, мәсәлә чахе хӧрәк бьһа дьбә у һәла һе ԝәʹде хәлайе жи. Һун дькарьн ве готареда, «Ча Пе Пʹәре Һьндьк Әʹбура Хԝә Бькьн?», һьнә ширәтед керһати бьвиньн.

•    Кʹьтеба Пироз һевийа ахьрийа баш дьдә мә. Әԝ дьбежә, ԝәки «гәньме ԝәлет бьбә бьрʹ-бәʹр» (Зәбур 72:16). Сәва кӧ һе зедә пебьһʹәсьн дәрһәԛа созед жь Кʹьтеба Пирозә бона ахьрийе у чьма һун дькарьн ԝе йәке баԝәр бькьн, бьньһерʹьн готар «Һевийа Баш бона Рʹожа Сьбе».