ҺʹЬШЙАР БЬМИНЬН!
Гәло Кʹупа Һʹәмдьнйайе Дькарә бь Рʹасти Йәктийе Бькә нав Мәрьва?—Кʹьтеба Пироз Чь Дьбежә?
Ԝәкә 5 милйард мәрьв FIFA Кʹупа Һʹәмдьнйайе дьньһерʹьн, кʹижан кӧ дәстпебу 20 Мьждаре у ԝе бькʹьшинә һʹәта 18 Кануна Пешьн, сала 2022. Гәләк мәрьв баԝәр дькьн, ԝәки спортед ԝи щурʹәйи нә тʹәне йәктийе дькьнә ортʹа мәрьва, ле һе зедә кʹаре тиньн.
«Ԛәԝата спорте һәйә, ԝәки дьнйайе бьгӧһезә. Әԝ мәрьва һелан дькә. Әԝ дькарә йәктийа ӧса бькә нав мәрьва, чь кӧ тьштәки дьн һаԛас нькарә бькә».—Нелсон Мандела, президенте бәре йа Африкайа Башуре.
«Футбол . . . мәрьва дькә йәктийе, чьмки гӧмане дьдә ԝан, шабуна ԝан зедә дькә, нав ԝанда һʹьзкьрьне пешда тинә, у ӧса нав ԝанда йәкти чедьбә».—Щйани Инфантино, президенте FIFA. a
Гәло Кʹупа Һʹәмдьнйайе йан жи спортәкә дьн дькарә йәктийа ԝи щурʹәйи бькә нав мәрьва? Гәло ԝе бе әԝ ԝәʹдә чахе нав тʹәмамийа дьнйайеда әʹдьлайи у йәкти һәбә?
Гәло әԝ бь рʹасти йәктийе дькә нав мәрьва?
Ве сале ԝәʹде Кʹупа Һʹәмдьнйайе дина мәрьва тʹәне сәр футболе нинә. Әв спорт мәрьв һелан кьрьн, ԝәки дәрһәԛа проблемед сосйали, политики, мафед мәрьва, расизме у чәтьнайед аборийева гьредайи, шеԝьр кьн у һәврʹа бькʹәвьнә дәʹԝе.
Чь жи һәбә, диса жи һʹәԝаса гәләк мәрьва те, кӧ спортед ԝи щурʹәйи, мәсәлә Кʹупа Һʹәмдьнйайе бьньһерʹьн. Ле әԝ спорт нькарьн йәктийа ӧса бькьнә нав мәрьва, кӧ дьреж бькʹьшинә. Дәԝсе, әԝ гәләк щар әшкәрә дькьн ньһерʹандьн у рʹабун-рʹуньштьна ви щурʹәйи, кӧ фьрԛийе дькьн ортʹа мәрьва. Ль гора Кʹьтеба Пироз әԝ һәр тьшт нишана ве йәке йә, кӧ әм «рʹожед ахьрийеда» дьжин (2 Тимотʹейо 3:1-5).
Бь рʹасти чь дькарә йәктийе бькә нав мәрьва?
Кʹьтеба Пироз дьбежә, ԝәки ԝе бе әԝ ԝәʹдә, кӧ нав тʹәмамийа инсанәте йәкти һәбә. Әԝ соз дьдә, ԝәки һʹәму мәрьв бьн рʹебәрийа «Пʹадшатийа Хԝәде», демәк сәрԝертийа әʹзмани, бьгьһижьнә йәктийе (Луԛа 4:43; Мәтта 6:10).
Иса Мәсиһ, Пʹадше Пʹадшатийа Хԝәде, ԝе әʹдьлайе бинә сәр дьнйайе. Кʹьтеба Пироз дьбежә:
«[Ԝе] рʹасти гӧл дә у әʹдьлайи гәләк бә» (Зәбур 72:7).
«Әԝ йе кʹәсиб хьлаз дькә, кӧ гази дьке . . . Жь зерандьне у зордарийе ԝан хьлаз дькә» (Зәбур 72:12, 14).
Һинкьрьнед Иса ида ньһада бь милйона мәрьвед жь 239 ԝәлата кьрийә йәк. Әԝана һин бунә нәфрʹәтийе жь дьле хԝә дәрхьн. Сәва кӧ дәрһәԛа ве йәке һе зедә пебьһʹәсьн, бьньһерʹьн рʹеза готара бь наве, «Чаԝа Нәфрʹәтийе жь Дьле Хԝә Дәрхьн?»
a Fédération Internationale de Football Association, (Федерасйа Навмьләтийе йа Щьвака Футболе).
Дьбәкә Wәрʹа Һʹәwас бә
ПЬРСЕД К′ЬТЕБА ПИРОЗВА ГЬРЕДАЙИ
Гәло Чь йә ‹Нишана Рʹожед Ахьрийе›?
Кʹьтеба Пироз пʹехәмбәрти кьрийә дәрһәԛа гәләк тьшта, йед кӧ гәрәке һәврʹа бьԛәԝьмийана у бьбуна «нишана» рʹожед ахьрийе.
ТʹЕМЕД ДЬН
Һевийа Баш бона Рʹожа Сьбе
Чьма созед кӧ Кʹьтеба Пирозда ньвисар ьн, щӧдә дьбьн жь созед кӧ мәрьв дьдьн?
ҺИНКЬРЬНЕД КʹЬТЕБА ПИРОЗӘ СӘРӘКӘ
Чь йә Пʹадшатийа Хԝәде?
Ԝәʹде хьзмәтийа хԝә, Иса һәчʹи зәʹф дина хԝә дьда Пʹадшатийа Хԝәде. Нава qьрнада мәрьв дәрһәqа һатьна ве Пʹадшатийе дöа дькьрьн.
БЬРЩА QӘРӘWЬЛИЙЕ
Пʹадшатийа Хԝәде—Сәрԝертийа Бекорупсйа
Шәш пьрс дәрһәԛа Пʹадшатийа Хԝәде, дьдьнә кʹьфше кӧ әԝ сәрԝерти тʹьме ԝе бе корупсйа бә.
ДӘРҺӘԚА МӘ
Һун Дьхԝазьн ԝәки Сәрледана Ԝә Бькьн?
Шеԝьр кә пьрсәкә жь Кʹьтеба Пироз йан жи дәрһәԛа Шәʹдед Йаһоԝа һе зедә пебьһʹәсә.
