Сала 2024 нав тʹәмамийа дьнйайеда һәжмара бьжартьнед политики ԝе дьһа зәʹф бьн, нә кӧ салед пашԝәхтийеда. Гәләк мәрьв итʹбарийа хԝә һьндава политике ӧнда дькьн.

•   Һʹәчʹи зәʹф бьнәлийед Америкайе дьбежьн, ԝәки «гәләк сәрԝеред политикайе хԝәһʹәзийе дьдьнә кʹьфше», нә кӧ хәмкьрьне һьндава бьнәлийед хԝә a—Пәԝ Рәсәарщһ Щәнтәр, 19 Илоне, сала 2023.

 Гәләк мәрьвед щаһьл итʹбарийа хԝә һьндава политике ӧнда кьрьнә.

•   «Щаһьл һәр тьшти дькьн кӧ сафикьрьна проблема бьвиньн, чьмки әԝана навиньн ԝәки сәрԝеред политики тьштәк дькьн, ԝәки һʹәԝщед ԝан һьлдьнә һʹәсаб»—Тһә Нәԝ Йорк Тьмәс, 29 Чьләйе, сала 2024.

•   «Ль гора һʹәсаба, кәсед щаһьл дьһа баԝәрийа хԝә ԝан тиньн йед кӧ ЙоӧТӧбеда видеойа датиньн, нә кӧ сәрԝеред политикайе»—Тһә Корәа Тьмәс, 22 Чьләйе, сала 2024.

 Гәло әм дькарьн баԝәр бьн кӧ сәрԝеред политикайе ԝе ахьрийа баш мәрʹа бьдьн? Гәло әм дькарьн итʹбарийа хԝә кʹе биньн?

 Мәрьв фәсал ьн чахе дьжберьн, кӧ итʹбарийа хԝә кʹе биньн. Кʹьтеба Пирозда те готьне «мәрьве сахьке дьле хԝә һәр готьне баԝәр дькә, ле йе аԛьл дина хԝә дьдә гавед хԝә» (Мәтʹәлок 14:15).

•   Сәва кӧ ширәт бьстиньн ԝәки чаԝа информасийа рʹаст тедәрхьн, бьхуньн готара бь наве «Хԝә жь Информасийа Ԛәлп Бьпʹарезьн».

 Һәла һе политикед һʹәлал у бь нет-мәрәмед баш жи, нькарьн һәр тьшт бькьн чь кӧ дьле ԝан дьхԝазә. Ләма жи Кʹьтеба Пироз дьбежә:

•   «Гӧмана хԝә нәдьнә ль сәр мира, ль сәр бәнде кӧ нькарә хьлаз кә» (Зәбур 146:3).

 Кʹьтеба Пирозда те готьне, ԝәки Хԝәде сәрԝерәки һьмзор у бь итʹбар кʹьфш кьрийә: Әԝ Иса Мәсиһ йә (Луԛа 1:32, 33). Иса Пʹадше Пʹадшатийа Хԝәде йә у әв жь әʹзмана сәрԝертийе дькә (Мәтта 6:10).

•   Пебьһʹәсьн кӧ чьма һун дькарьн итʹбарийа хԝә Иса биньн, у әԝе ча мә жь ԝан һʹәму проблема рʹасти кʹижана әм тен, хьлаз кә. Бьхуньн готар «Кʹи йә Пʹадше Пʹадшатийа Хԝәде?» у «Пʹадшатийа Хԝәде ԝе Чь Бькә?»