Ча әм дьвиньн, ԝәʹде шәрʹе Украинеда гәләк сәрԝеред религийайе мәрийа һелан дькьн, ԝәки шәрʹда пьшта кәсәки бьгьрьн. Дина хԝә бьдьне, кӧ чаԝа һьнә мәрьвед религи шәрʹда пьшта алики дьгьрьн:

•    «Ԛәдьр у рʹазибуна мәзьн дьдьмә кʹьфше ԝан һʹәму әскәред мәрʹа, йед кӧ ԝәлате мә Украине жь дьжмьне хԝә дьпарезьн . . . Әм һәргав бь дьл у дӧайед хԝә тʹәви ԝә нә у пьштгьрийа ԝә дькьн».—Метрополитед Епифани I йе Киеве, чаԝа кӧ рʹожнәʹма The Jerusalem Post дьбежә, 16 Адаре, сала 2022.

•    «Сәрԝере Дера Ортодоксе йе Русйайе, рʹожа Ләʹде бона әскәред Руси бәрнамәкә религи саз кьр, кʹидәре әԝи ԝана һелан дькьр, кӧ ԝәлате хԝә бьпарезьн ‹чаԝа кӧ Урьс дькарьн›, һʹәта кӧ Москова шәрʹе хԝәйә Украинеда бәрдәԝам дькә».—Нучәйа Реутерсе, 3 Нисане, сала 2022.

 Гәло Мәсиһи гәрәке шәрʹ бькьн? Кʹьтеба Пироз чь дьбежә?

 Кʹьтеба Пироз дьдә кʹьфше, ԝәки пәйчуйед Иса начьнә шәрʹ.

•    «Шуре хԝә бькә щи. Кʹи кӧ шур һьлтинә, әԝе бь шур һәрʹә» (Мәтта 26:52).

   Гәло мәрьве кӧ пьштгьрийа шәрʹа дькә, бь рʹасти ль гора гьлийе Иса дькә?

•    «Әз тʹәмикә ну дьдьмә ԝә: Һәвдӧ һʹьз бькьн. Чаԝа кӧ мьн һун һʹьз кьрьн, һун жи ӧса һәвдӧ һʹьз бькьн. Бь ве йәке һʹәмуйе заньбьн һун шагьртед мьн ьн, һәгәр һун һәвдӧ һʹьз бькьн» (Йуһʹәнна 13:34, 35).

   Гәло мәрьве кӧ пьштгьрийа шәрʹа дькә, әʹйан дькә әве һʹьзкьрьне бь чь жи ль гора гьлийе Иса, шагьртед ԝи ԝе бьһатана наскьрьне?

 Бона һе зедә әʹламәти бьхунә готар, «Гәло Мәсиһи Дькарьн Бькʹәвьнә нава Шәрʹ?»

 Гәло реали йә бьфькьрьн кӧ Мәсиһи ԝе нәчьнә шәрʹ? Бәле. Кʹьтеба Пироз пʹехәмбәрти кьрийә, ԝәки рʹожед мәда кӧ тенә навкьрьне «рʹожед ахьрийе», ԝе һәбьн мәрьвед жь һʹәму мьләта, кʹижан кӧ ль гора һинкьрьнед Иса ԝе «еди һини шәрʹ нәбьн» (Ишайа 2:2, 4, ИМ).

•    Сәва кӧ һе зедә пебьһʹәси, бьхунә рʹеза готара жь «Бьрща Ԛәрәԝьлийе» бь наве, «Ньһерʹандьна Хԝәде сәр Шәрʹа Чь Щурʹәйи йә?»

 Зутьрәке Йаһоԝа, a «Хԝәдейе әʹдьлайийе» ԝе бь сайа сәрԝертийа хԝәйә әʹзмани, мәрьв «жь бьндәсти у зордарийе аза кә» (Филипи 4:9; Зәбур 72:14, ИМ).

•    Сәва кӧ пебьһʹәси кӧ Хԝәде чь щурʹәйи әве йәке бькә, бьньһерʹә видео «Чь йә Пʹадшатийа Хԝәде?»