Фонда Һʹәмдьнйайе бона Хԝәйкьрьна Тʹәбийәте, 9 Щотмәһе сала 2024 әʹлам кьр, кӧ чаԝа мәрьв сәр тʹәбийәте у һʹәйԝанед бәйани һʹӧкӧм дькьн. Ԝана гот, ԝәки «нава 50 салед пашьнда (1970-2020), һәжмара һʹәйԝанед бәйани сәр 73% кем буйә». Ԝана ӧса жи гот: «Әм дькарьн бежьн, ԝәки 5 салед дьн чь бьԛәԝьмә, әв йәк ԝе ида әʹйан кә, кӧ ахьрийа планета мә ԝе чь бә».

 Гәләк мәрьв чахе әв әʹламәти бьһистьн, әʹщебмайи у хәмгин бун. Әм гәләки планета хԝә һʹәз дькьн, ләма жи нахԝазьн ԝәки ԛьрʹа һʹәйԝанед бәйани бе. Әм бетʹалаш ниньн, кӧ чь те сәре һʹәйԝана, чьмки Хԝәде әм ӧса әʹфьрандьнә, ԝәки әм бона ԝан хәм бькьн (Дәстпебун 1:27, 28; Мәтʹәлок 12:10).

 Дьбәкә һун бәр хԝә дькʹәвьн, ‹Гәло әме бькарьбьн һʹәйԝанед бәйани у тʹәбийәте бьбьнә хԝәйи, ԝәки ԛьрʹа ԝан нәйе? Кʹьтеба Пироз чь дьбежә?›

 Әм чь жи бькьн, сәва кӧ һʹәйԝана бьбьнә хԝәйи, ԝәки ԛьрʹа ԝан нәйе, йәкә әме нькарьбьн бь тʹәмами әве проблеме сафи кьн, чьмки тʹәне Хԝәде дькарә ве йәке бькә. Кʹьтеба Пирозда Әʹйанти 11:18-да һатьбу пʹехәмбәртикьрьне, ԝәки Хԝәде ԝе ‹ԛьрʹа ԝан бинә, йед кӧ дьне хьраб дькьн›. Жь ве рʹезе әм дӧ тьшта педьһʹәсьн:

1.  1. Хԝәде ԝе изьне нәдә, ԝәки мәрьв бь тʹәмами ԛьрʹа әʹрде биньн.

2.  2. Хԝәде ԝе зутьрәке бона ве йәке тьштәки бькә. Гәло әм жь кʹӧ заньн? Нава тʹәрихийеда тʹәбийәт у һʹәйԝан тʹӧ щар ӧса бьне хофәкә мәзьнда нибун, чаԝа рʹожед мәда.

 Гәло Хԝәде ԝе чь бькә, ԝәки ве проблеме сафи кә? Әԝе бь сайа Пʹадшатийа хԝәйә әʹзмани, һʹәму проблемед инсанәте сафи кә (Мәтта 6:10). Бьн сәрԝертийа Хԝәдеда һʹәму мәрьвед гӧһдар ԝе бенә һинкьрьне, ԝәки планета мә бьбьнә хԝәйи (Ишайа 11:9).