Дьбә кӧ һун хԝә тʹәне тʹәхмин дькьн, чьмки мәщбур ьн малда бьминьн. Ԝәки ӧса нә, һун фәʹм дькьн гьлийед зәбурбежәки кӧ гот: «Мина чʹьвика ль сәр хани, әз бехәԝ мам тʹәне майи» (Зәбур 102:7). Пебьһʹәсьн кӧ ча Кʹьтеба Пироз али мә дькә ԝәʹде чәтьнайа кӧ жь бо изоләсйайә дьреж пешда тен, сәбьр кьн.

•  Незики Хԝәде бьн.

•  Кʹьтеба Пирозда рʹезед ӧса бьхуньн, кӧ дьлбинийе дьдьн.

•  Бьфькьрьн кӧ чьрʹа дьнйайеда һаԛас кӧл-дәрд һәнә.

•  Зедә хәма нәкьн.

•  Тʹәви һәвалед хԝә хәбәр дьн у һәвалед тʹәзә жи хԝәрʹа ԛазанщ кьн.

•  Мьԛати сьһʹәт-ԛәԝата хԝә бьн.

Һәла һе гава һун изоләсйайеда ньн у тʹәне нә, һун дькарьн шабуна хԝә ӧнда нәкьн. Бона ве йәкә һун гәрәке фәʹм бькьн, кӧ һʹәԝще аликʹарийа Хԝәде нә, у гәрәке дьһа баш ԝи нас кьн (Мәтта 5:3, 6). Аԝа чәнд тьшт кӧ дькарьн ве йәкеда али ԝә бькьн.

• Кʹьтеба Пирозә онлайн (ԝәлгәрʹандьна рʹаст у һеса).

• Онлайн Дәрсед Кʹьтеба Пироз, йед кӧ щабед пьрсед фәрз дьдьн.

• Видеойед кьн дәрһәԛа һинкьрьнед Кʹьтеба Пирозә сәрәкә.

• «Пьрсед Кʹьтеба Пирозва Гьредайи». Әв пʹар щаба пьрсед бәлабуйи дьдә.

• «Чʹәʹв Бьдьнә Баԝәрийа Ԝан». Әв рʹеза готара ԝе али ԝә бькә сәрһатийед Кʹьтеба Пироз бьдьнә бәр чʹәʹве хԝә.

• «Гәло Әԝ Йәк Кәсәки Әʹфьрандийә?» Әв рʹеза готара дәрһәԛа бәдәԝийа тʹәбийәте у щурʹе чекьрьна ԝе йә.

Әв рʹезед жь Кʹьтеба Пироз дьлбинийе данә гәләк мәрьва. Ԝе баш бә изоләсйайеда ԝәʹде хԝә керһати бьдьнә хәбате у нә кӧ щарәкерʹа гәләки бьхуньн, ле пʹарәке бьхуньн, сәр бьфькьрьн у дӧа бькьн (Марԛос 1:35).

• Зәбур 23:1-6

• Зәбур 34:1-22

• Зәбур 46:1-11

• Зәбур 63:6-8

• Зәбур 91:1-6

• Мәтта 6:25-34

• 2 Корьнтʹи 1:3, 4

• Филипи 4:6, 7

• 1 Пәтрус 5:6, 7

Һуне бәр һʹале чәтьн дьһа һеса сәбьр кьн, һәрге пебьһʹәсьн чьрʹа кӧл-дәрд һәнә, у чаԝа Хԝәде ԝе һәр тьшти рʹаст кә (Ишайа 65:17).

• «Чьма Хԝәде дьһелә ԝәки әм бьчәрчьрьн?»

• «Кʹьтеба Пироз дәрһәԛа нәхԝәшийе у сьһʹәт-ԛәԝате чь дьбежә?»

• «Нишана рʹожед ахьрийе чь йә?»

• «Чар Сийар бь рʹасти кʹи нә?»

• «Пʹадшатийа Хԝәде ԝе чь бькә?»

Готаред жере ԝе али ԝә бькьн бәр стресе тәйах кьн, кӧ жь бо изоләсйайе пешда те, у «хәма нәкьн» (Мәтта 6:25).

• Чаԝа стреседа тәйах кьн

• Чаԝа ньһерʹандьна позитив хԝәй кьн

• Хәмгини жь бо Ԛәзийа

• Хәмгини бона Пʹәра

• Хәмгинийед щаһьла

Һәвалти сәр сьһʹәт-ԛәԝата психики у емосийали баш һʹӧкӧм дькә. Илаһи гава һун нькарьн рʹасти һәвалед хԝә бен, гәләк фәрз ә һун пьштгьрийа ԝан бькьн. Һәрге һун мала хԝәда тʹәне нә, һун дькарьн пе видеоконференсйа йан пе тʹеле тʹәви ԝан хәбәр дьн. Бь сайа ве йәке, һуне һәләԛәтийа хԝә тʹәви һәвалед хԝәйи бәре ӧнда нәкьн у йед тʹәзә хԝәрʹа ԛазанщ кьн (Мәтʹәлок 17:17).

• Һәвале рʹаст кʹи йә?

• Лазьм ә һәвалед тʹәзә хԝәрʹа ԛазанщ кьн?

• Һәгәр һун дьфькьрьн кӧ һәвалед ԝә тʹӧнә нә

• Мәрʹдани һәвалтийе ԛәԝи дькә

• Шекьрдари һәвалтийе ԛәԝи дькә

Кʹьтеба Пироз дьбежә кӧ «һиндарийа ԛальб» кери мәрьва те. Бәле, гава мәрьв спортева мьжул дьбә, әԝ кʹаре дьстинә (1 Тимотʹейо 4:8). Әԝ йәк ԝе али ԝә бькә кӧ сәр хԝә бьн у позитив бьн, илаһи ԝәʹде изоләсйайе. Һәла һе малда жи һун дькарьн алийе физикида хԝә баш хԝәй кьн у ԛәԝи бьн.

• Гәләк хԝә бьвьн-биньн.

• Мьԛати сьһʹәт-ԛәԝата хԝә, фькьр у ньһерʹандьна хԝә бьн.