Һʹәсабе Кʹома Банка Һʹәмдьнйайида президенте ве тʹәшкиләте, мәһа Һʹәзиране сала 2022-да ӧса гот: «Абори нав тʹәмамийа дьнйайеда диса бьн хофеда нә. Ньһа аборийеда инфласийа мәзьн дәстпебуйә у чьԛас дьчә зедә дьбә, у һьм жи пешдачуйина аборийе сьст дьбә».

 Фонда Пʹәрайә Һʹәмдьнйайи кʹьфш дькә: «Баһе хӧрәк у һʹәму щурʹә шәԝате, мәсәлә бензине у ньфте, гәләк зу бьльнд дьбә у дьһа зәʹф дәԝләтед бь аборийа сьст зьраре дьхә».

 Кʹьтеба Пироз али мә дькә кӧ фәʹм бькьн, чьма әм рʹасти проблемед аборийева гьредайи тен, ча әм дькарьн ԝан чәтьнайада тәйах кьн у чь һеви һәйә кӧ әв проблем ԝе сафи бьн.

•   Кʹьтеба Пироз дьбежә, ԝәки әм «рʹожед ахьрийеда» дьжин (2 Тимотʹейо 3:1).

•   Иса гот, ԝәки «тьштед хоф у тьрс», демәк ԛәԝьмандьнед кӧ ԝе тьрсе бькьнә дьле мәрьва, бьбьнә нишана рʹожед ахьрийе (Луԛа 21:11). Бьһабуна һәр тьшти, тьрсе пешда тинә. Мәрьв бона ахьрийе бәр хԝә дькʹәвьн кӧ ԝе ча әʹбура хԝә у нәфәред хԝә бькьн.

•   Кʹьтеба Әʹйантида һатийә пʹехәмбәртикьрьне, ԝәки рʹожед ахьрийеда хӧрәк ԝе бьһа бә. «Һьнге те бежи мьн дәнгәк бьһист, . . . кӧ дьгот: ‹Чапәкә гәньмә бьчʹук пе зивәки у се чапед бьчʹук щәһ пе зивәки›» (Әʹйанти 6:6).

 Сәва кӧ дәрһәԛа «рʹожед ахьрийе» у пʹехәмбәртийа жь кʹьтеба Әʹйанти һе зедә пебьһʹәсьн, бьньһерʹьн видео «Жь Сала 1914 Һʹале Дьнйайе Һатийә Гӧһастьне» у бьхуньн готар «Чар Сийар бь Рʹасти Кʹи нә?»

•    «Ԝе мала чекьн у ле рʹуньн, ԝе рʹәза дайньн у фекийе ԝан бьхԝьн. Ԝе кәсед дьн ль малед кӧ ԝан чекьрьнә рʹунәньн, ԝе кәсед дьн жь рʹәзед кӧ ԝан данийә нәхԝьн» (Ишайа 65:21, 22, ИМ).

•   «Бьра гәньме ԝәлет бьбә бьрʹ-бәʹр, дәрәмәтед ԝи сәре чʹийа бьһʹәжьн» (Зәбур 72:16).

•   «‹Бона хатьре фәԛиред шеланди у заринийа бәләнгаза, Әзе ньһа рʹабьм› Хӧдан [Йаһоԝа, ДТʹ] дьбежә» (Зәбур 12:5). a

 Зутьрәке Хԝәде ԝе нав тʹәмамийа дьнйайеда проблемед аборийева гьредайи бьдә һьлдане. Сәва кӧ пебьһʹәсьн ԝәки Хԝәде ԝе ча әве йәке бькә, бьхуньн готар «Гәло Чәтьнайед Алийе Пʹәра ԝе Кʹәнге Кʹӧта бьн?»

 Ле һәла һе иро жи, Кʹьтеба Пироз дькарә али ԝә бькә ԝәки ԝәʹде бьһабуна һәр тьшти жи әʹбура хԝә бькьн. Ле гәло чь щурʹәйи? Теда ширәтед керһати һәнә, кӧ ча пʹәра бь билани бьдьнә хәбате (Мәтʹәлок 23:4, 5; Ԝаиз 7:12). Сәва кӧ һе зедә пебьһʹәсьн, бьхуньн готар «Пʹәрә у Һәбуне Хԝәй кьн» у «Ча Пе Пʹәре Һьндьк Әʹбура Хԝә Бькьн?»