Ль гора һʹәсабе Тʹәшкиләта Сахләмийейә Һʹәмдьнйайе йа 23 Гӧлане, сала 2022, жь бо нәхԝәшийа COVID-19, 6.27 милйон мәрьв мьрьн ә. Ле нучәйеда йа 5 Гӧлане, сала 2022 һатьбу готьне, ԝәки Тʹәшкиләта Сахләмийейә Һʹәмдьнйайе әʹлам кьрийә, кӧ һʹәсабе һәжмара мәрьвед кӧ жь бо COVID-19 мьрьн ә, дьһа зедә йә. Ве нучәйеда дьһатә готьне, ԝәки нава салед 2020 у 2021-да, «һәжмара йед мьри кӧ рʹастә-рʹаст пе COVID-19 йан жи бь сәбәбийа ве мьрьн ә . . . ԝәкә 14.9 милйон ә». Гәло Кʹьтеба Пирозда дәрһәԛа дәрдәки ӧса гьран тьштәк һатийә ньвисаре?

•    Иса пʹехәмбәрти кьрьбу, ԝәки «рʹожед ахьрийе» нәхԝәшийед һʹал ԝе һәбьн, демәк пандәмийа (Луԛа 21:11; 2 Тимотʹейо 3:1).

 Пʹехәмбәртийа Иса рʹожед мәда те сери. Сәва кӧ һе зедә пебьһʹәсьн, бьньһерʹьн готар «Гәло Чь йә ‹Нишана Рʹожед Ахьрийе›?»

•    «Баве дьлшәԝатийе у Хԝәдейе һʹәму бәрдьлийе. Әԝ нава һʹәму тәʹли-тәнгийада дьл дьдә бәр мә» (2 Корьнтʹи 1:3, 4).

 Гәләкед кӧ мәрьвед хԝәйә незик ӧнда кьрьнә дьлбинийе жь созед Кʹьтеба Пироз дьстиньн. Һе зедә пебьһʹәсьн жь ԝан готара «Ча Тәйах кьн Мьрьна Мәрьве Незик» у «Аликʹарийа Баш Бона Ԝан, йед кӧ Мәрьвед Хԝә Ӧнда Кьрьнә».

•    «Пʹадшатийа тә бе, әʹмьре тә бә, чаԝа ль әʹзмен, ӧса жи ль сәр әʹрде» (Мәтта 6:10).

 Зутьрәке «Пʹадшатийа Хԝәде» ԝе ӧса бькә кӧ «тʹӧ рʹуньштийе ль ԝьр нәбежә: ‹Әз нәхԝәш ьм›» (Марԛос 1:14, 15; Ишайа 33:24, ИМ). Сәва кӧ пебьһʹәсьн ԝәки чь йә сәрԝертийа әʹзмани у әԝ ԝе чь бькә, бьньһерʹә видео «Чь йә Пʹадшатийа Хԝәде?»

 Әм ԝә тʹәглиф дькьн һе зедә дәрһәԛа Кʹьтеба Пироз пебьһʹәсьн, сәва кӧ һун у малбәта ԝә бькарьбьн жь соз у ширәтед ԝейә билани кʹаре бьстиньн.