МИНА ИСА БЬЖИН
Тӧ Һӧнӧред Йаһоwайи нә әʹйан Дьвини?
Чахе тӧ дина хwә дьди кӧлиркед бь рʹәнг-рʹәнги, әʹзмане бь стәйрка тʹьжә, йан гӧрʹәгӧрʹа аве, тӧ wан тьштада дькари хәйсәт-һʹӧнӧред Әʹфьрандар бьвини? Әʹфринед дор-бәре мә әшкәрә әʹйан дькьн һʹӧнӧред Йаһоwа (Рʹм. 1:20). Чахе әм дьсәкьньн у дьфькьрьн сәр wан тьшта, чь кӧ бь чʹәʹве хwә дьвиньн, ӧса әм дькарьн тедәрхьн qәwат, һʹьзкьрьн, билани, һәqи у мәрʹданийа Хwәде (Зб. 104:24).
Тӧ кʹижан чекьрьнед дәсте Йаһоwа һәр рʹож дьвини? Һәрге тӧ һәла һе бажареда жи дьжийи, тӧ дькари дина хwә бьди чʹьвик у баха. Гава әм сәр wан тьшта дьфькьрьн, әв йәк али мә дькә хәмгинийа дьле хwә кем кьн, дина хwә бьдьнә тьштед һәри фәрз у баwәрийа хwә һьндава Йаһоwа һе бьшьдиньн, wәки әw бькарьбә һʹәта-һʹәтайе бона мә хәм бькә (Мт. 6:25-32). Һәрге зарʹед тә һәнә, али wан бькә, wәки бьвиньн хәйсәт-һʹӧнӧред Йаһоwа. Ӧса рʹазибуна тә бона әʹфринед дор-бәре тә wе дьһа зедә бә, у тӧйе һе незики Әʹфьрандар би (Зб. 8:3, 4).
БЬНЬҺЕРʹӘ ВИДЕО «ТʹӘБЙӘТ, ЙАҺОWА ҺӦРМӘТ-РʹУМӘТ ДЬКӘ; ШӘWQ У РʹӘНГ». ПАШЕ ЩАБА WАН ПЬРСА БЬДЬН:
-
Чь щурʹәйи пигмент али мә дькьн, рʹәнга бьвиньн?
-
Чь дьбә мәʹни, кӧ гәләк рʹәнг пешда тен?
-
Чьма щарна рʹәнге әʹзман те гӧһастьне?
-
Кʹижан щурʹе рʹәнгед гәш, тӧ дор-бәре мала хwә дьвини?
-
Чьма әм гәрәке wәʹдә вәqәтиньн, сәва кӧ рʹьнд дина хwә бьдьнә тʹәбийәте?