Шәʹдед Йаһоԝа ԛәдьрәки мәзьн стандьнә. Әм чаԝа Мәсиһийед хԝәтʹәсмилкьри у ньхӧманди бәрдәԝам дькьн һәләԛәтийа хԝә тʹәви Хԝәдайе Һьмзор, Йаһоԝа, дьһа незик кьн. Йаһоԝа, бь сайа Кӧрʹе хԝә әм незики хԝә кьрьнә (Йн. 6:44). Әԝ гӧһ дьдә дӧайед мә (Зб. 34:15).

Гәло әм чаԝа дькарьн һәләԛәтийа хԝәйә тʹәви Хԝәде бьпарезьн? Бәре пешьн әм гәрәке хԝә жь ԝан тьштед хьраб, йед кӧ Исраелийа дькьрьн, дур бьгьрьн. Һьнә ԝәхт шунда паши ԝе йәке, кӧ щьмәʹта Исраеле тʹәви Йаһоԝа кʹәтә һәләԛәтийа ԛануни, ԝана гоьлка зерʹин хԝәрʹа чекьр у кʹәтә нава пʹутпʹарьстийе (Дркʹ. 32:7, 8; 1 Кр. 10:7, 11, 14). Ԝе баш бә пьрса бьдьнә хԝә: «Әз хԝә чаԝа дьдьмә кʹьфше, чахе рʹасти щерʹьбандьна тем? Гәло жь кьред мьн те кʹьфше, ԝәки әз һәләԛәтийа хԝә тʹәви Йаһоԝа ԛимәт дькьм?» Һʹьзкьрьна мәзьн һьндава Баве мәйи әʹзмана ԝе али мә бькә хԝә дур бьгьрьн жь ԝан тьшта, кʹижан кӧ әԝ нәфрʹәт дькә (Зб. 97:10).

БЬНЬҺЕРʹЬН ВИДЕО «ҺӘЛӘԚӘТИЙА ХԜӘЙӘ ТʹӘВИ ЙАҺОԜА БЬПАРЕЗЬН» (КЛ. 3:5), У ПАШЕ ЩАБА ԜАН ПЬРСА БЬДЬН:

• Чь йә тьмайи?

• чьма гәрәке хԝә жь тьмайе у пʹутпʹарьстийе дур бьгьрьн?

• Чаԝа бенамуси у пʹутпʹарьсти һәвва гьредайи нә?

• Чьма хут әԝед кӧ щабдарийед ԝан щьватеда һәнә, гәрәке бона һʹәԝщед һәвалзәԝаща хԝә хәм бькьн?