Йаһоԝа дьхԝазә, ԝәки әм жь һʹьзкьрьне жерʹа хьзмәт кьн (Мт. 22:37, 38). Һʹьзкьрьна һьндава Йаһоԝа ԝе ԛәԝате бьдә хԝәндәкʹара, ԝәки әʹмьре хԝәда гӧһастьна бькьн у ԝәʹде чәтьнайа ԛәԝи бьминьн (1 Йн. 5:3). Һәгәр әԝана Йаһоԝа һʹьз бькьн, әԝ йәк ԝе ԝана һелан кә бенә ньхӧмандьне.

Али хԝәндәкʹаред хԝә бькьн, ԝәки әԝана бьвиньн кӧ Йаһоԝа ча ԝана һʹьз дькә. Пьрсед ӧса бьдьнә ԝан: «Әԝ йәк дәрһәԛа Йаһоԝа чь тә һин дькә?», йан жи «Әԝ йәк ча һʹьзкьрьна Хԝәде һьндава тә нишан дькә?» Али ԝан бькьн ԝәки әԝана әʹмьре хԝәда дәсте Йаһоԝа бьвиньн (2 Др. 16:9). Ԝанрʹа гьли кьн кӧ Йаһоԝа ча щаба дӧайед ԝә дабу, у ԝана һелан кьн ԝәки дина хԝә бьдьн кӧ Йаһоԝа ча щаба дӧайед ԝан дьдә. Әм гәләк ша дьбьн чахе дьвиньн кӧ хԝәндәкʹар һʹьзкьрьна Йаһоԝа дьшекьриньн у пе кьред хԝә нишан дькьн, ԝәки әԝана жи ԝи һʹьз дькьн у дьхԝазьн бьбьнә достед ԝи.

БЬНЬҺЕРʹЬН ВИДЕО «АЛИ ШАГЬРТЕД ХԜӘ БЬКЬН ҺӘЛӘԚӘТИЙА НЕЗИК ТʹӘВИ ЙАҺОԜА САЗ КЬН» У  ПАШЕ ЩАБА ԜАН ПЬРСА БЬДЬН:

• Жийана рʹасти чь чәтьнайе һат?

• Чаԝа Нитайе али Жийанайе кьр?

• Жийанайе чаԝа чәтьнайа хԝә сафи кьр?