Тʹәне әԝед кӧ нормед нав-намусийе хԝәй дькьн, дькарьн жь һәләԛәтийа незик тʹәви Йаһоԝа шабуне бьстиньн (1 Пт. 1:14-16). Һәрге шагьрте тә тʹәрка хәйсәтед хьраб бьдә, әԝе бькарьбә малбәтеда шабуне бьстинә, сьһʹәт-ԛәԝата хԝә баш кә у алийе материалида жи һʹале хԝә баш кә.

Зәлал нормед Йаһоԝа шьровәкә. Тʹәви шагьрте хԝә шеԝьр кә чьрʹа Йаһоԝа сәр һьнә тьшта ӧса дьньһерʹә, у чь кʹаре әме бьстиньн һәгәр гӧрʹа нормед ԝи бькьн. Һәр тьшти бькә, ԝәки хԝәндәкʹаре тә нет-фькьред хԝә бьгӧһезә, чьмки тʹәне һьнге әԝе бькарьбә тʹәрка хәйсәте хьраб бьдә (Әф. 4:22-24). Ԝи бьдә баԝәркьрьне, ԝәки бь аликʹарийа Йаһоԝа әԝе бькарьбә гӧһастьна бькә (Флп. 4:13). Шагьрте хԝә һин кә, ԝәки ԝәʹде щерʹьбандьне жь Йаһоԝа аликʹарийе лава бькә, кӧ гӧнә нәкә. Али ԝи бькә дәрәщед хоф тедәрхә, жь кʹижана әԝ гәрәке хԝә дур бьгьрә. Ԝи һелан кә хәйсәтед хԝәйә хьраб сәр кьред щайиз бьгӧһезә, йед кӧ ԝе ԝирʹа кʹаре биньн. Тӧйе шабуне бьстини, гава бьвини кӧ хԝәндәкʹаре тә ча бь сайа ԛәԝата Йаһоԝа те гӧһастьне.

БЬНЬҺЕРʹЬН ВИДЕО «АЛИ ШАГЬРТЕД ХԜӘ БЬКЬН ХӘЙСӘТЕД ХЬРАБ ЖЬ ХԜӘ ДУР ХЬН» У ПАШЕ ЩАБА ԜАН ПЬРСА БЬДЬН:

• Чаԝа рʹуспи у Нитайе нишан кьрьн, ԝәки әԝана һевийа хԝә Жийанайе набьрʹьн?

• Нитайе ча али Жийанайе кьр?

• Чаԝа Жийанайе аликʹарийа Йаһоԝа дьгәрʹийа?