Һәвалти те һʹәсабе, чахе мәрьв емосийалида һәвва тенә гьредане у ԛәдьре һәвдӧ дьгьрьн. Мәсәлә, гава Даԝьд Голйатʹ кӧшт, Йонатʹан у Даԝьд бунә һәвалед незик (1 См. 18:1). Әԝана хәйсәт-һʹӧнӧред һәвдӧрʹа фьрнаԛ дьбун у хԝәстьн бьбьнә һәвалед незик. Һәвалтийа незик һьнге пешда те, гава мәрьв рʹьнд һәвдӧ нас дькьн. Бона ԝе йәке ԝәʹдә у ԛәԝат лазьм ә. Ле интернетеда мәрьв һеса дьбьнә «һәвалед» һәв, у бона ԝе йәке әԝана щарәке маусе дьтькиньн. Интернетеда мәрьварʹа һеса йә рʹуйе хԝә вәшерьн, кӧ әԝ бь рʹасти кʹе нә, чьмки әԝана дькарьн хәбәред хԝә контрол кьн у ӧса наве баш хԝәрʹа чекьн. Ләма жи фәрз ә фәсал бьжберьн, һәла әме интернетеда кʹе ча һәвал ԛәбул кьн. Һәгәр һун кәсәки нәнас ча һәвал ԛәбул нәкьн, бәрхԝә нәкʹәвьн кӧ әԝе сәр ԝә бьхәйидә. Һьнәка сафи кьрийә ԛәт малпәред сосйали нәдьнә хәбате, сәва кӧ жь хофе хԝә хԝәй кьн. Ле һәгәр ԝә сафи кьрийә кӧ малпәред сосйали бьдьнә хәбате, ԝи чахи чь һун гәрәке һьлдьн һʹәсаб?

БЬНЬҺЕРʹЬН ВИДЕО «МАЛПӘРЕД СОСЙАЛ БЬ БИЛАНИ БЬДӘ ХӘБАТЕ» У ПАШЕ ЩАБА ԜАН ПЬРСА БЬДЬН:

• Пешийа кӧ интернетеда шькләки дайньн йан жи коментари бьньвисьн, һун чь гәрәке һьлдьн һʹәсаб?

• Чьрʹа һун гәрәке интернетеда фәсал һәвала бьжберьн?

• Чьрʹа лазьм ә синор дайньн кӧ чьԛас ԝәʹдә һуне сәр малпәред сосйали хәрщ кьн? (Әф. 5:15, 16)