Рʹожа иройин тʹәшԛәлед тʹәбийәте дьһа у дьһа зедә дьбьн. Сәва кӧ ԝәʹде тʹәшԛәләке али кәсед кӧ зьрар стандьнә, бькьн, һәр тьшт гәрәке рʹьнд бе организәкьрьне у ԝәʹдәда рʹебәри бе дайине. Бона ве йәке Кʹома Рʹебәрийе рʹебәри дайә, ԝәки һʹәму филиалада Идара Аликʹарийе Ԝәʹде Тʹәшԛәлед Тʹәбийәте һәбә.

Чахе бьред жь ве идаре дәрһәԛа тʹәшԛәләке педьһʹәсьн, әԝана дәрберʹа тʹәви рʹуспийед ве мьһале текли дьбьн, ԝәки пебьһʹәсьн һәла хушк-бьред ԝедәре һʹәԝще чь аликʹарийе нә. Һәрге зьрара жь бо тʹәшԛәле ӧса мәзьн ә, ԝәки хушк-бьред ԝедәре нькарьн хԝәха тьштәки бькьн, ԝи чахи филиал ԝе бьред щерʹьбанди кʹьфш кә, ԝәки әԝана бона кәсед зьрардити, аликʹари организә кьн. Әԝ бьра дькарьн бьпьрсьн һәла кʹе дькарә бь рʹәзәдьли аликʹарийе бьдә, у һур-муред лазьм ԛӧрбан кә, йан жи әв бьра дькарьн тьштед лазьм бькʹьрʹьн у хушк-бьрарʹа бәла кьн.

Организәкьрьна ви щурʹәйи кʹарәкә мәзьн тинә. Бь сайа ве йәке ԛәԝата хушк-бьра бадиһәԝа найе хәрщкьрьне, нәфәʹмдари пешда найе у пʹәрә пʹучʹ-бәтал хәрщ набә, чьмки хушк-бьра тʹӧ тьшти бь сәре хԝә накьн.

Әԝ бьра кʹижана кӧ филиал кʹьфш дькә, дькарьн сафи кьн һәла ве дәрәщеда чьԛас пʹәрә ԝе лазьм бә у чьԛас хушк-бьра дькарьн аликʹарийе бьдьн. Әԝана ӧса жи дькарьн тʹәви мәрьвед дәԝләте хәбәр дьн, йед кӧ дькарьн рʹебәри бьдьн, ԝәки аликʹарийа мә зу бьгьһижә хушк-бьра. Ләма жи тʹӧ кәс гәрәке хԝәха сафи нәкә, ԝәки пʹәра тʹоп кә, тьштед лазьм бьшинә, йан жи хԝәха һәрʹә ԝи щийи, кʹидәре тʹәшԛәлә ԛәԝьми йә, һʹәта кӧ бьра хԝәха ве йәке нәбежьн.

Йәкә чахе тʹәшԛәлә дьԛәԝьмьн, әм гьшк дьхԝазьн аликʹарийе бьдьн (Ибр. 13:16). Бәле, әм хушк-бьред хԝә һʹьз дькьн! Ле әм чь дькарьн бона ԝан бькьн? Йа һәри фәрз әм дькарьн бона йед зьрардити у йед кӧ аликʹарийе дьдьн, дӧа бькьн. Әм ӧса жи дькарьн пʹәра бона шьхӧле һʹәмдьнйайе ԛӧрбан кьн. Бь сайа аликʹарийа Кʹома Рʹебәрийе, филиал дькарьн тедәрхьн у сафи кьн, һәла кʹидәре дьһа зедә һʹәԝщәти һәйә, ԝәки пʹәре ԛӧрбанкьри бе хәрщкьрьне. У һәрге әм хԝәха дьхԝазьн аликʹарийе бьдьн әм дькарьн тʹьжә кьн Бланка бона Идара Шьхӧле Авакьрьне (DC-50).

БЬНЬҺЕРʹЬН ВИДЕО ЛЕЙИКӘ МӘЗЬН БРАЗИЛЙАЙЕДА, У ПАШЕ ЩАБА ВЕ ПЬРСЕ БЬДЬН:

Чь дьле тә гьрт чахе тә дина хԝә дайе, кӧ ча Шәʹдед Йаһоԝа сала 2020-да, паши лейикә мәзьн Бразилйайеда, аликʹари данә йед зьрардити?