Ль 23 Адаре, ԝәкә 12 милийон мәрьв йан һе зедә ԝе бьбьнә меванед мә у бенә ль сәр Евара Биранине. Бь рʹасти жи әԝана ԝе шәʹдәтикә баш бьстиньн, чахе бьбьһен шеԝьркьрьна хәбәрван дәрһәԛа пʹешкʹеша Йаһоԝа, демәк кʹьрине. Ӧса жи хәбәрван ԝе шеԝьр кә дәрһәԛа кʹәрәмед ахьрийе кӧ ԝе инсанәт бьстинә! (Иш. 11:6-9; 35:5, 6; 65:21-23; Йн. 3:16). Ль сәр ве щәжьнәкә мӧһим, нә кӧ тʹәне хәбәрван ԝе шәʹдәти бьдә. Ле әм жи дькарьн шәʹдәти бьдьн, чахе бь дьл у щан сьлав кьн меванед кӧ ԝе бенә ль сәр Евара Биранине (Рʹм. 15:7). Ль вьр һьнә рʹебәри тенә дайине.

• Дәԝса кӧ һәрʹьн щийе хԝә рʹунен у һивийе бьн һʹәта кӧ бәрнама дәстпебә, сьлав кә меванед кӧ тен. Ӧса жи дькари бь бәшәра хԝәйә хԝәш у ша, сьлав ки ԝана жи, йед кӧ рʹӧһʹанида сьст бунә у һатьнә

• Рʹаст ә тӧ гәрәке дина хԝә бьди мәрьвед кʹижана кӧ шәхси тә тʹәглиф кьрьбу, ӧса жи бир нәкә дина хԝә бьди ԝана жи, йед кӧ жь кәсәки тʹәглифе стандьн у һатьнә ль сәр ве щәжьне. Йед тʹәзә тʹәглиф кә кӧ тʹәви тә рʹунен. Ԝәʹде бәрнаме дькари Кʹьтеба Пирозә хԝә ԝанарʹа нишан ки кӧ бьхуньн у кʹьтеба кʹьлама хԝә жи нишан ки, кӧ тʹәви тә бьстьрен

• Паши готаре, һазьр бә щаба пьрсед ԝана бьди. Һәрге ԝәʹде ԝә һьндьк ә, у паши щьвата ԝә гәрәке щьвата дьн тʹоп бә кӧ Евара Биранине дәрбаз кьн, һьнге һәврʹа хәбәр дьн кӧ нава чәнд рʹожада һун бькарьбьн һәв бьвиньн. Һәрге адрес йан һәжмара тʹела ԝи мәрьви щәм тә тʹӧнә, дькари бежи: «Мьнрʹа һʹәԝас ә пебьһʹәсьм һәла һун дәрһәԛа ве бәрнаме чь дьфькьрьн. Әм дькарьн щики рʹасти һәв бен?»