ӘВ ЙӘК ЧЬМА ФӘРЗ Ә: Чахе шагьрт хԝә һазьр дькьн, ӧса әԝана дькарьн рʹьнд фәʹм бькьн у бир нәкьн, әԝ чь кӧ әм ԝана һин дькьн. Чьԛас һе рʹьнд әԝана ԝе фәʹм бькьн у бира хԝәда хԝәй кьн, һаԛас һе зу әԝана ԝе пешда һәрʹьн. Һәла һе паше ньхӧмандьне жи, ԝанарʹа ԝе лазьм бә һазьр бьн бона щьвата у хьзмәте, сәва кӧ «һʹьшйар бьминьн» (Мт. 25:13). Хенщи ԝийа, занәбуна ԝе йәке, чаԝа һин бьн у бәрнама һинбуне хԝәй кьн, ԝе жийина ԝанда бона ԝан кʹар бә. Һәма чаԝа кӧ мә дәстпекьр ԝана һин кьн, әм гәрәке али ԝан бькьн, кӧ һин бьн тьʹме бона һинбуне, хԝә һазьр кьн.

ЧАԜА БЬКЬН:

• Мәсәләкә баш бә (Рʹм. 2:21). Бона һәр һинбунәке хԝә һазьр кә у ԝәʹде һазьрбуне, шагьрте хԝә һьлдә һʹәсаб (km 11/15 3). Бьра шагьрт бьвинә, ԝәки әʹдәбйәтед тә чаԝа бь ԛаләме хәзкьри нә

• Шагьрт һелан кә, кӧ хԝә һазьр кә. Чахе ԝә тʹәви шагьрт һинбун ида дәстпекьр, әԝ бьдә һʹәсандьне кӧ һазьркьрьн әв һәйә пʹара һинбуна Кʹьтеба Пироз, у шьроԝәкә дәрһәԛа кʹара ве йәке. Рʹебәрийа керһати бьдә, кӧ чаԝа әԝ дькарә ԝәʹдә бона һазьрбуне бьвинә. Һьнә хьзмәткʹар шагьртарʹа дьдьн әʹдәбйәтед хԝәйә бь ԛаләм хәзкьри, ԝәки ԝәʹде һинбуне шагьрт әв йәк бьдә хәбате. Әв ԝе али шагьрт бькә бьвинә, кӧ чьԛас һазьрбун керһати йә. Пʹайе ԝи бьдә чахе әԝ хԝә һазьр дькә

• Шагьртрʹа нишан кә, ча хԝә һазьр кә. Һьнә хьзмәткʹар дькарьн һе пешда ԝәʹде һинбуне, шагьртед хԝәрʹа нишан кьн, кӧ чаԝа бона дәрсе, хԝә һазьр кьн