• Адреса хԝә бьньвисә кӧ мәрьв бькарьбә щаба нәма тә бьдә. Һәрге тӧ дьфькьри, кӧ ԝе нә бь билани бә адреса хԝә бьньвиси, ԝәки ӧса нә дькари адреса Ода Щьвата бьньвиси. Ле ТʹӦЩАР нәньвисә адреса филиале.

• Һәрге тӧ наве мәрьв зани, нәмеда наве ԝи бьдә хәбате. Әв йәк ԝе мәрьврʹа зәлал кә, ԝәки тӧ хут ԝирʹа дьньвиси.

• Рʹьнд дина хԝә бьдә грамәре у рʹастньвисандьна хәбара. Нәма тә гәрәке тʹәмьз у бе шаши бә. Һәрге бь ԛәләме дьньвиси, дина хԝә бьдә кӧ әԝ һеса бе хԝәндьне. Нәма тә гәрәке бь стила фәрми нәйе ньвисаре, нәжи сәро-бәро.

Вьра те дайине мәсәлә, кӧ чаԝа нәма хԝә бьньвиси. Әв найе һʹәсабе кӧ чахе тӧ кәсәкирʹа жь мьһала хԝәрʹа дьньвиси, һәр щар гәрәке һәма ӧса бьньвиси чаԝа ве нәмеда те дайине. Һьлдә һʹәсаб әʹдәт у дәрәще мьһала хԝә, у нәма хԝә бьньвисә.