ЧЬМА ӘВ ЙӘК ФӘРЗ Ә: Кʹьтеба 1 Корьнтʹи, йәк жь 14 нәмед Паԝлосе шанди нә, кʹижан кӧ Мәсиһийа һелан дькә. Чахе мәрьв нәмә дьньвисә, ԝәʹде ԝи һәйә кӧ рʹьнд хәбәра бьжберә у чәнд щара бьхунә ԝәки рʹаст кә. Нәмә мәщалед баш дьдьн, ԝәки пьзмам у насийед хԝәрʹа шәʹдәтийе бьдьн. Хенщи ԝе йәке бь сайа нәма әм дькарьн ӧса жи шәʹдәти бьдьнә ԝан мәрийа, тʹәви кʹижана кӧ әм нькарьн шәхси хәбәр дьн. Мәсәлә дьԛәԝьмә кәсәк дьхԝазә һе зедә пебьһʹәсә, ле чәтьн ә әԝ малда бьвиньн. Йан жи дьбә кӧ мәрьв щийе дур дьжи у мәрʹа чәтьн дьбә рʹасти ԝи бен. Гәло чь һьнә тьшт әм гәрәке һьлдьн һʹәсаб, гава хәрибарʹа нәма дьньвисьн?

ЧАԜА БЬКЬН:

• Нәмеда бьньвисә әв, чь кӧ тәйе бьхԝәста бьгота мәрьв. Дәстпекеда наве хԝә бьньвисә у зәлал шьровә кә, ԝәки чьма тӧ дьньвиси. Паше пьрсәки бьдә мәрьв кӧ әԝ сәр бьфькьрә у дина ԝи бьдә малпәра мә. Ӧса жи ԝирʹа бежә дәрһәԛа бәрнама һинбуна Кʹьтеба Пироз малда, у һьнә наве сәрийа бьньвисә жь әʹдәбйәтед мәйә бона һинбуне. Бь ве нәме тӧ дькари бьшини карта теклибуне, тʹәглиф йан бәлавок.

• Кьн бьньвисә. Фәрз ә ԝәки нәмайа тә дьреж нибә, чьмки мәрьв ԝе бьвәстә бьхуне. Бьньһерʹә чаргошә «Чаԝа Нәма Бьньвисьн»

• Һʹәрфада шашийа рʹаст кә, у избат бә ԝәки әв һеса у фәʹмдари те хԝандьне. Һьм жи ӧса бькә ԝәки нәма тә бь һәвалһʹьзи у тактик бә.