Әм мәрьвнә гӧнәкʹар ьн, ләма жи гәрәке әм фәсал бьн у хԝәстьнед хԝә контрол кьн. Һәгәр әм изьне бьдьнә хԝәстьнед хԝәйә нәрʹаст ԝәки дьле мәда шин бьн у мә контрол кьн, әме ԛәбулкьрьна Йаһоԝа ӧнда кьн. Мәсәлә, һьнә мәрьв пәй хԝарьне, кʹьнща у щи-сьтʹаре дькʹәвьн у һʹьзкьрьна ԝан һьндава Хԝәде сар дьбә. Һьнәк жи, пәй хԝәстьнед хԝәйә сексуали дькʹәвьн, у бь ве йәке принсипед Хԝәде пьшт гӧһе хԝәва давежьн (Рʹм. 1:26, 27). Ле йед дьн жи дькʹәвьн бәр байе мәрьва у чʹәʹв дьдьнә кьред ԝанә хьраб, сәва кӧ ԝана хԝәш бен (Дркʹ. 23:2).

Әм ча дькарьн хԝәстьнед хԝә зәфт кьн? Әм гәрәке һʹәму тьшти бькьн, ԝәки дина мә сәр тьштед рʹӧһʹани бә (Мт. 4:4). Әм ӧса жи гәрәке жь Йаһоԝа лава кьн, ԝәки али мә бькә хԝәстьнед хԝә контрол кьн. Гәло чьрʹа? Чьмки әԝ дьһа рʹьнд занә, кӧ чь бона мә лапи баш ә у занә ча али мә бькә (Зб. 145:16).

БЬНЬҺЕРʹЬН ВИДЕО «ИЗЬН НӘДӘ КӦ ЩЬХАРӘ ӘʹМЬРЕ ТӘ ПʹУЧʹ КӘ», У ПАШЕ ЩАБА ԜАН ПЬРСА БЬДЬН:

• Чьрʹа һьнә мәрьв щьхаре дькʹьшиньн?

• Щьхарә чьда дькарә зьраре бьдә тә?

• Чьрʹа нәрʹаст ә щьхарә у ӧса жи щьхаред әләктроник бьдьнә хәбате? (2 Кр. 7:1)

• Тӧ ча дькари нәкʹәви тʹәлька щьхаре, йан жи һәгәр ида дькʹьшини, тʹәрка ве бьди?