Хԝәндәкʹаред кӧ дьхԝазьн дьле Хԝәде ша кьн, гәрәке баԝәрийа ԛәԝи ава кьн (Ибр. 11:6). Әм дькарьн бь сайа кʹьтеба «Ша бә Жийинерʹа Һʹәта-Һʹәтайе!», ве йәкеда али ԝан бькьн. Ве кʹьтебеда һәнә рʹезед сәрәкә, шьровәкьрьна зәлал, пьрсед керһати, видеойед һʹәԝас у шьклед бәдәԝ. Әм гәрәке али хԝәндәкʹаред хԝә бькьн, ԝәки әԝана һʹӧнӧред кӧ Хԝәде хԝәш тен нав хԝәда пешда биньн у бьбьнә достед Хԝәде. Бь ви щурʹәйи әԝана ԝе баԝәрийа ӧса ава кьн, йа кӧ ԝе бәр щерʹьбандьнед мәзьн жи һьлнәшә (1 Кр. 3:12-15).

Һьнә мәрьварʹа чәтьн ә баԝәр кьн, кӧ әԝана дькарьн бьбьнә достед Хԝәде, чьмки нькарьн ԝи бьвиньн. Әм гәрәке али ԝан бькьн, ԝәки баԝәрийа хԝә һьндава Йаһоԝа ава кьн у итʹбарийа хԝә ԝи биньн.

БЬНЬҺЕРʹЬН ВИДЕО «БЬ САЙА КʹЬТЕБА ‹ША БӘ ЖИЙИНЕРʹА ҺʹӘТА-ҺʹӘТАЙЕ!› БАԜӘРИЙЕ ҺЬНДАВА ЙАҺОԜА АВА КӘ», У ПАШЕ ЩАБА ԜАН ПЬРСА БЬДЬН:

• Чьда һатә кʹьфше, ԝәки хушке бона һинбуне хԝә рʹьнд һазьр кьрьбу?

• Хушка мә пьрсед зедә ча да хәбате, ԝәки Кʹейс фькьр у һәстед хԝә һьндава Ишайа 41:10, 13, бежә?

• Ча видео у рʹезед жь Кʹьтеба Пироз сәр Кʹейсе һʹӧкӧм кьрьн?

Гәләк мәрьв фәʹм накьн кӧ чьрʹа Иса әʹмьре хԝә бәрва да, у әԝана ве ԛӧрбане ча пʹешкʹеша жь Хԝәде хут бона хԝә һʹәсаб накьн (Гл. 2:20). Ләма жи әм гәрәке али ԝан бькьн, ԝәки әԝана баԝәрийе һьндава кʹьрʹине, демәк ԛӧрбана Иса, пешда биньн.

БЬНЬҺЕРʹЬН ВИДЕО «БЬ САЙА КʹЬТЕБА ‹ША БӘ ЖИЙИНЕРʹА ҺʹӘТА-ҺʹӘТАЙЕ!› БАԜӘРИЙЕ ҺЬНДАВА ИСА АВА КӘ», У ПАШЕ ЩАБА ԜАН ПЬРСА БЬДЬН:

• Чьда һатә кʹьфше, ԝәки бьра бона һинбуне хԝә рʹьнд һазьр кьрьбу?

• Әԝи ча пʹара «Һе Зедә Пебьһʹәсә» да хәбате, ԝәки али хԝәндәкʹаре хԝә бькә?

• Чьрʹа фәрз ә, ԝәки хԝәндәкʹар хԝәха жи дӧа бькә?