«Хӧдан щьмәʹта Хԝә бәгәм дькә» (Зб. 149:4). Рʹаст ә әм гӧнәкʹар ьн, ле Йаһоԝа хәйсәт-һʹӧнӧред мәйә баш дьвинә у занә кӧ ԛәԝата мә дьгьһижә чь. Ле щарна әм сәр хԝә нәрʹаст дьньһерʹьн. Дьбәкә әм хԝә ньмьз һʹәсаб дькьн, жь бо ве йәке кӧ хәлԛ дәрһәԛа мә чь дьшьрмиш дьбә у һьндава мәда ча нә. Йан жи гава әм дина хԝә дьдьнә сәр шашийед хԝәйә бәре, әм дькарьн дӧдьли бьн кӧ бь рʹасти Йаһоԝа мә һʹьз дькә. Һәрге фькьред ӧса тенә һʹьше тә, тӧ чь дькари бьки?

Бир нәкә ԝәки Йаһоԝа ве йәке дьвинә чь кӧ мәрьв нькарьн бьвиньн (1 См. 16:7). Әв те һʹәсабе, ԝәки әԝ дьһа рʹьнд мә нас дькә, нә кӧ әм хԝәха хԝә. Әм рʹази нә кӧ Кʹьтеба Пироз али мә дькә, ԝәки әм фәʹм кьн, кӧ Йаһоԝа чаԝа нә һьндава мәда. Һәрге әм рʹез йан сәрһатийед Кʹьтеба Пироз леколин кьн, әме фәʹм кьн кӧ Йаһоԝа хьзмәткʹаред хԝә гәләк һʹьз дькә.

БЬНЬҺЕРʹЬН ВИДЕО БАԜӘР КӘ КӦ ЙАҺОԜА ТӘ ԚӘБУЛ ДЬКӘ, У ПАШЕ ЩАБА ԜАН ПЬРСА БЬДЬН:

• Чаԝа мәсәла гәде ләщеда у баве ԝи, мә һин дькә кӧ Йаһоԝа һьндава мәда чаԝа нә?

  Your answer

• Әв мәрьве кӧ гӧне гьран кьрийә, ле пʹошман буйә у сәр хԝә дьхәбьтә ԝәки һәләԛәтийа хԝә тʹәви Йаһоԝа диса баш кә, ча дькарә бь дьләки рʹьһʹәт бәр Хԝәде бьсәкьнә? (1 Йн. 3:19, 20)

  Your answer

• Чаԝа әԝи бьрайи жь хԝәндьн у фькьрандьна дәрһәԛа сәрһатийа Даԝьд у Йәһошәфат, кʹар станд?

  Your answer