Спортсмен гәрәке тʹьме спортева мьжул бә, сәва кӧ масулкед ԝи тʹьме ԛәԝи бьминьн. Мина ве йәке әм жи гәрәке исаф у һʹьш-аԛьле хԝә һин бькьн, ԝәки ԛәнщи у хьрабийе жь һәв дәрхьн (Ибр. 5:14). Рʹаст ә щарна дьһа һеса йә чʹәʹв бьдьнә мәрьвед дьн у мина ԝан сафикьрьна бькьн, ле әм гәрәке һин бьн хԝәха һʹьш-аԛьле хԝә бьдьнә хәбате ԝәки сафикьрьна бькьн. Әв йәк чьрʹа лазьм ә? Чьмки һәр кәс ԝе бона сафикьрьнед хԝә щабе бьдә (Рʹм. 14:12).

Әм гәрәке тʹӧ щар нәфькьрьн, кӧ әме тʹьме сафикьрьнед рʹаст бькьн, чьмки әм ида гәләк сал ньхӧманди нә. Сәва кӧ бь билани сафикьрьна бькьн, әм гәрәке итʹбарийа хԝә Йаһоԝа, Хәбәра ԝи у тʹәшкиләта ԝи биньн (Йеш. 1:7, 8; Мтʹл. 3:5, 6; Мт. 24:45).

БЬНЬҺЕРʹЬН ВИДЕО «ИСАФА ХԜӘ ТʹӘМЬЗ ХԜӘЙ КЬН» У ПАШЕ ЩАБА ԜАН ПЬРСА БЬДЬН:

• Емма гәрәке чь сафи кьра?

• Чьрʹа әм гәрәке фәсал бьн, ԝәки ԝан пьрсада кӧ исафева гьредайи нә, ньһерʹандьна хԝә сәр мәрьвава нәкьн?

• Жьн-мерәки чь ширәтәкә билан данә Еммайе?

• Емма бона дәрәща хԝә жь кʹидәре информасийа керһати дит?