Зәԝаща Мәсиһийайә баш рʹумәте дьдә наве Йаһоԝа у щоте зәԝьщирʹа шабуне тинә (Мԛ. 10:9). Сәва кӧ зәԝащ бәхтәԝар бә, пешийа кӧ Мәсиһи һәвалзәԝащ хԝәрʹа бьжберә, әԝ гәрәке принсипед Кʹьтеба Пироз һьлдә һʹәсаб.

Ԝи чахи гәрәке һәвалзәԝащ хԝәрʹа бьжберьн, чахе һәстед сексуалийә гӧрʹ ида дәрбаз бунә, чьмки ԝи ԝәʹдәйи чәтьн ә сафикьрьнед билан бькьн (1 Кр. 7:36). Һʹәта тӧ нәзәԝьщи йи, әʹмьре хԝә бь билани дәрбаз кә, ԝәки һәләԛәтийа хԝә тʹәви Хԝәде ԛәԝи ки у һʹӧнӧред баш нав хԝәда пешда бини. У чахе тӧ бьзәԝьщи, тӧйе бькарьби зәԝаща хԝә бәхтәԝар ки.

Пешийа кӧ ԛайил би кәсәкирʹа бьзәԝьщи, епʹещә ԝәʹдә хәрщ кә, ԝәки «мәрьве һьндӧрʹе дьлда» ча лазьм ә нас ки (1 Пт. 3:4). Һәрге ԝәʹде һәвнаскьрьне тӧ тьштәкида дӧдьли дьби, дәрһәԛа ве йәке тʹәви ԝи (ԝе) хәбәр дә. Зәԝащеда тӧ дьһа зедә гәрәке бькʹәви һʹәйра һәвалзәԝаще хԝә, нә кӧ һʹәйра хԝә (Флп. 2:3, 4). Һәрге тӧ пешийа зәԝаще принсипед Кʹьтеба Пироз әʹмьре хԝәда дьди хәбате, ԝе тәрʹа дьһа һеса бә паши зәԝаще жи ԝан принсипа бьди хәбате у зәԝаща тә ԝе бәхтәԝар бә.

БЬНЬҺЕРʹЬН ВИДЕО «ҺАЗЬРБУНА БОНА ЗӘԜАЩЕ ПʹАРА 3: ХӘРЩЕД ХԜӘ ‹БЬДӘ БӘР ҺʹӘСЕБ›» У ПАШЕ ЩАБА ԜАН ПЬРСА БЬДЬН:

• Һәләԛәтийа хушке тʹәви Шейн, ча бәрдәԝам бу?

• Хушке ԝәʹде һәвнаскьрьне чь тедәрхьст?

• Де-баве ԝе ча али ԝе кьрьн, у кʹижан сафикьрьнәкә билан әԝе кьр?