Нәлазьм ә Зәʹф Хәбәр дьн: Нәфькьрә wәки тӧ гәрәке һʹәму тьшти шьроwәки. Иса, пьрса дьда хәбате, сәва кӧ али мәрьва бькә бьфькьрьн у бьгьһижьнә ньһерʹандьна рʹаст (Мт. 17:24-27). Бь сайа пьрса, һинкьрьн дькарә гәләк һʹәwас дәрбаз бә у али тә бькә тедәрхи һәла шагьрте тә чь фәʹм дькә у чь баwәр дькә (bе 253 ¶3-4). Чахе пьрса дьди, сәбьр кә у һивийе бә, һʹәта кӧ шагьрт щаба хwә бьдә. Һәрге шагьрт щаба нәрʹаст дьдә, дәрбера щаба рʹаст wирʹа нәбежә. Ле пьрса бьдә хәбате сәва кӧ али wи бьки тʹеме фәʹм кә у бькарьбә щаба рʹаст бьдә (bе 238 ¶1-2). Бьхәбьтә кӧ ӧса хәбәр ди, сәва кӧ шагьрт фькьред тʹәзә фәʹм бькә у qәбул кә (bе 230 ¶4).

Нәлазьм ә Чәтьн кьн: Дьбәк тӧ гәләк тьшт зани дәрһәqа тʹемайе кӧ һун дәрбаз дьбьн. Ле нәлазьм ә, щарәкера һʹәму тьшти шагьртрʹа гьли ки. (Йн. 16:12). Дина wи бьдә фькьред фәрз йа абзасе (bе 226 ¶4-5). Чьмки һәла һе информасийед һʹәwас кӧ дәрсада тенә дайине, дькарьн дина шагьрта жь фькьред фәрз дәрбази тьштәкә дьн кьн (bе 235 ¶3). Чахе шагьрт фькьред фәрз фәʹм кьр, һьнге дькари дәрбази абзаса дьн би.

Нәлазьм ә Ләзкʹәвьн: Нета мә әв нинә кӧ зу-зу сәрийа дәрбаз кьн, ле әм дьхwазьн кӧ шагьрт бь дьл рʹастийе qәбул кьн (Лq. 24:32). Qәwата Хәбара Хwәде бьдә хәбате, демәк дина хwә бьдә ль сәр рʹезед сәрәкә дь абзаседа (2 Кр. 10:4; Ибр. 4:12; be  144 ¶1-3). Мәсәлед чәтьн нәдә хәбате (bе 245 ¶2-4). Һьлдә һʹәсаб проблемед шагьрт у ӧса жи һʹәбандьна wи, сәва кӧ wәʹде дәрбазкьрьна һинкьрьне, тʹемайе кӧ дәрбаз дьбьн, дәрәще wива гьреди. Пьрсед ӧса дькари бьди: «Дәрһәqа ве йәке тӧ чь дьфькьри?» «Әв йәк чь мә һин дькә дәрһәqа Йаһоwа?» «Һәрге тӧ ль гӧра ве принсипа Кʹьтеба Пироз бьжий, тӧйе чь кʹаре бьстини?» (bе 238 ¶3-5; 259 ¶1).