Иса карьбу нәформал кʹӧлфәта Самәрирʹа шәʹдәти бьдә, чьмки әԝ дәстпекьр тʹәви ве бькʹәвә хәбәрдане. Чаԝа әм дькарьн дь ве йәкеда даһа щерʹьбанди бьн у тʹәви нәнаса бькʹәвьнә хәбәрдане?

• Һәвалһʹьз бә у тʹәви мәрийа бькʹәвә хәбәрдане. Рʹаст ә Иса вәстийайи бу, ле диса жи әԝи хәбәрдана хԝә дәстпекьр бь ве йәке, кӧ ав хԝаст. Тӧ жи дькари хәбәрдана хԝә пе славе дәстпеки, у паше тьштәки бежи мәсәлә дәрһәԛа һәве, йан ԛәԝьмандьнед ԝан пашԝәхтийа. Бир нәкә, нета тәйә сәрәкә әв ә, ԝәки хәбәрдане дәстпеки. Тʹемәкә ӧса бьжберә, чь кӧ ԝе мәрийарʹа һʹәԝас бә. Һәрге әԝ дьле мәрьва нәгьрә, йәкә әв шьхӧле тә бош-бәтал нинә. Бьхәбьтә сәр ԝе йәке кӧ мәрьварʹа бькʹәви хәбәрдане. Жь Йаһоԝа мерхасийе бьхԝазә (Нм. 2:4; Кр.Шн. 4:29).

• Мәщале бьгәрʹә кӧ мьзгинийа хере бәла ки, ле ләз нәкʹәвә. Бьра хәбәрдана тә тʹәбийәти бә. Һәрге тӧ хәбәрдана хԝәда зорʹе мәрьва бьки, мәрьв ԝе әʹщьз бә у хәбәрдане бьдә сәкьнандьне. Дьлтәнг нәбә гава хәбәрдана ԝә хьлаз дьбә, ле тә һе перʹа нәгийанд шәʹдәти бьди. Һәрге тәрʹа чәтьн ә нәформал мьзгинийе бәла ки, ԝәки ӧса нә бьхәбьтә кӧ мәрийарʹа бькʹәви хәбәрдане, ле бе ԝе нете кӧ шәʹдәтийе бьди. [Видео 1 вехә у шеԝьр кә.]

• Мәщаләкә ӧса чекә, ԝәки дәрһәԛа баԝәрийа хԝә шәʹдәтийе бьди, жь бо чь жи мәрьв ԝе бьхԝазә кӧ тӧ ԝирʹа шьровәки. Әв йәк ԝе мәрьв һелан кә, ԝәки әԝ пьрса бьдә тә. Иса жи хәбәрдана хԝә ӧса дәстпекьр, ԝәки кʹӧлфәт һелан бу пьрса бьде. Әԝи щаба пьрсед ԝе дьда, у ӧса мьзгинийа хере гийандә ԝе. [Видео 2 вехә у шеԝьр кә, у паше видео 3 вехә у шеԝьр кә.]