Сәва кӧ хԝәндәкʹаре мә һʹәԝщед хԝәйә рʹӧһʹани рʹази кьн у рʹӧһʹанида пешда һәрʹьн, лазьм ә ԝәки әԝана нә кӧ тʹәне һинкьрьнед Кʹьтеба Пироз, ле һе зедә тьшт пебьһʹәсьн (Мт. 5:3; Ибр. 5:12–6:2). Әԝана гәрәке ӧса жи һин бьн хԝәха рʹӧһʹанида хԝә тʹер кьн.

Жь дәстпека һинбуне ԝана һин кә, ԝәки ча хԝә бона дәрса һазьр кьн, у тʹьме ве йәкеда ԝана һелан кә (mwb18.03 6). Ӧса жи ԝана һелан кә пешийа леколинкьрьна шәхси, дӧа бькьн. Али ԝан бькә, ԝәки әԝана бькарьбьн һащәтед мәйә әләктроник бона леколинкьрьне бьдьнә хәбате. Ԝанарʹа нишан кә, ԝәки ча әԝана дькарьн сәр малпәра мә jw.org у сәр JW Бродкастинг тьштед кӧ тʹәзә тенә дәрхьстьне, бьвиньн. Гав пәй гав ԝана һин кә һәр рʹож Кʹьтеба Пироз бьхуньн, бона щьвата һазьр бьн, у хԝәха щабед пьрсед хԝә леколин кьн. Али ԝан бькә кʹур бьфькьрьн сәр ве йәке, чь кӧ педьһʹәсьн.

БЬНЬҺЕРʹЬН ВИДЕО «АЛИ ШАГЬРТЕД ХԜӘ БЬКЬН ХԜАРЬНА РʹӦҺʹАНИ БЬСТИНЬН» У ПАШЕ ЩАБА ԜАН ПЬРСА БЬДЬН:

• Чь щурʹәйи Нитайе али Жийанайе кьр бьвинә, ԝәки ԝәʹде леколине бәс нинә тʹәне щаба пьрса хԝә пебьһʹәсә?

• Чь али Жийанайе кьр избат бә, ԝәки нормед Йаһоԝайә нав-намусийе рʹаст ьн?

• Жийанайе дәрһәԛа фькьрандьна кʹур, чь тедәрхьст?