Пʹьртукед «Чь Һин Дькә Кʹьтеба Пироз?» у «Чь Дькарә Кʹьтеба Пироз Мә Һин кә?» wәк һәв ьн. Һәрд жи wе ль сәр гәләк зьмана бенә дәрхьстьне. Әв дö пʹьртук һащәтед баш ьн сәва һинкьрьне. Дь ван кʹьтебада пьрс wәк һәв тенә шьроwәкьрьне у wәк һәв дь сәрийада щиwаркьри нә. Хенщи wе йәке кʹьтеба «Чь Дькарә Кʹьтеба Пироз Мә Һин кә?» бь зьман у гьлийе һеса һатә ньвисандьне, у һьм жи һеса йә әв фәʹм кьн. Әв кʹьтеб сазкьри йә сәва wан мәрийа, кʹижанарʹа кö чәтьн ә фәʹм кьн кʹьтеба «Чь Һин Дькә Кʹьтеба Пироз?» Дәwса әʹламәтийа зедә кö дь пʹьртука «Чь Һин Дькә Кʹьтеба Пирозда?» һәйә, дь ве кʹьтеба дöдада фькьред зедә тенә дайине, кʹидәре кö һьнә термин у фькьр, чь кö сәрийада һәнә, һеса тенә шьроwәкьрьне. Дәстпека һәр сәрийада бьн наве сәрийа, пьрс найенә дайине у чаргошә wәкʹьландьне жи тʹöнә. Ле дәwсе, һәр сәрик хьлаз дьбә бь wәкʹьландьна фькьред сәрәкә йед рʹастийа Кʹьтеба Пироз, чь кö сәрийада һатьбу шьроwәкьрьне. Wан һәрд кʹьтеба дькарьн тʹьме бәла кьн, һәла һе wе мәһе жи, чахе кö әw кʹьфш нәкьрьнә. Чаwа әм дькарьн әв кʹьтеба тʹәзә, wәʹде һинкьрьна Кʹьтеба Пироз бьдьнә хәбате?

ФЬКЬРЕД СӘРӘКӘ: Сәва гәләк мәрийа, метода һинкьрьна Кʹьтеба Пироз бь хwәндьна абзаса у дайина пьрса, чаwа кö дь ве кʹьтебеда һәйә «Чь Һин Дькә Кʹьтеба Пироз?», wе тьштәки нормал у һеса бә. Ле һәрге шагьрт зьман рʹьнд ньзанә у нькарә рʹьнд бьхунә, дь ве дәрәщеда тö дькари сафи ки бьди хәбате «Чь Дькарә Кʹьтеба Пироз Мә Һин кә?» Паше ида wәʹде һинкьрьне һун дькарьн дәрбаз кьн у шеwьр кьн фькьред сәрәкә йа ве сәрийе. Ләма жи шагьрт һелан кә wәки әw хwәха пешда хwәрʹа сәри бьхунә. Сәр һәр һинкьрьнәке һун дькарьн нава 15 дәqәда тʹәви шагьрт рʹастийәк шеwьр кьн. Рʹаст ә дь фькьред сәрәкәда тьштед һур бь һур найе шьроwәкьрьне, чь кö сәрида тенә дайине, ләма жи хьзмәткʹар гәрәке хwә рʹьнд һазьр кә. Öса әwе бира хwәда хwәй кә фькьред лазьм у дина хwә бьдә һʹәwщед шагьрт. Һәрге хьзмәткʹар, һинкьрьне ль сәр һʹиме сәрийе дәрбаз дькә, һинге фькьред сәрәкә дькари бьди хәбате ча wәкʹьландьн.

ФЬКЬРЕД ЗЕДӘ: Термин у һьнә фькьред кö абзасада һәнә, wе фькьред зедәда, демәк ль хьлазийа кʹьтебеда бе шьроwәкьрьне. Хьзмәткʹар хwәха дькарә сафи кә, wәки әв фькьред зедә йед кö дь ве кʹьтебеда һәнә «Чь Дькарә Кʹьтеба Пироз Мә Һин кә?» гәрәке бенә шеwьркьрьне wәʹде һинкьрьне йан на.