Дәстпебуйи жь мәһа Чьләйе сала 2016, ль пьшта журнале йа «Бьрща Ԛәрәԝьлийе» бона бәлакьрьне, ԝе готарәкә ӧса һәбә бь наве «Кьтеба Пироз Чь Дьбежә?» Әв һащәта тʹәзә һате дәрхьстьне, сәва кӧ али мә бькә хәбәрдане дәстпекьн дәрһәԛа тʹемед Кʹьтеба Пироз. Дизайна ве һащәте мина бәлавока йә. Ль вьр пьрсәк те дайине, пәйра жи рʹезәк жь Кʹьтеба Пироз йа кӧ щаба пьрсе дьдә. Хенщи ԝе йәке сәва шеԝьркьрьне фькьред зедә жи тенә дайине.

Хәбәрдана мәйә һʹәԝас дәрһәԛа тʹемед жь Кʹьтеба Пироз, дькарә мәрийа һелан кә сәва һинбуна Кʹьтеба Пироз дәстпекьн. Әԝ һащәта тʹәзә бьдә хәбате, сәва кӧ али гәләка бьки һʹәԝщед хԝәйе рʹӧһʹани тʹьжә кьн (Мәт. 5:6).

1. Бьпьрсе ньһерʹандьна хԝәйе мале дәрһәԛа пьрсәки

2. Гӧһ бьдә у фәʹм кә, һәла хԝәйе мале пе щаба хԝә чь дьхԝазе бәжә

3. Бьхуне рʹеза кӧ паши ве бьнсәрийе те дайине «Кʹьтеба Пироз Чь Дьбежә?». Паше жи бьпьрсә һәла әԝ дәрһәԛа ԝе рʹезе чь дьфькьрә. Һәрге ԝәʹде хԝәйе мале һәйә, дькари хәбәрдане бәрдаԝам ки у бьдә хәбате фькьред жь ԝе бьнсәрийе «Диса Чь Әм Дькарьн жь Кʹьтеба Пироз Пебьһʹәсьн?»

4. Бьһелә журнале

5. Хәбәрдә дәрһәԛа сәрледана дӧбарә у пьрса дӧда шеԝьр кә