Рʹожа Сешәме 11 Нисане, гәләк Мәсиһийед рʹӧһʹанида сьст ԝе бенә сәр Евара Биранине. Ԝана дәстпекьр ләщмәйдана хԝә бьрʹәвьн, ле ԝана байе хԝә сьст кьр жь бо щурʹә-щурʹә мәʹнийа дәрһәԛа кʹижана дь ве брошуреда те готьне «Вәгәрʹә щәм Йаһоԝа» (Ибр. 12:1). Мәсиһийед рʹӧһʹанида сьст диса жи ԛимәт ьн сәва Йаһоԝа, у Әԝи ԝана бь хуна Кӧрʹе хԝә кʹьри (Кʹр.Шн. 20:28; 1 Пт. 1:18, 19). Чаԝа әм дькарьн али ԝан бькьн, ԝәки вәгәрʹьн щәм Йаһоԝа?

Рʹуспийед щьвате дьхәбьтьн, кӧ аликʹарийе бьдьнә йед сьст. У әԝана мина шьван ьн, кӧ бь дьл у щан дьгәрʹә пәзе хԝәйе ӧндакьри (Лԛ. 15:4-7). Әв йәк һʹьзкьрьна Йаһоԝа әʹйан дькә (Йер. 23:3, 4). Нә кӧ тʹәне рʹуспи, ле һәркʹәс жь мә дькарә Мәсиһйед рʹӧһʹанида сьст һелан кә. Чахе әм ԛәнщи у хәмгинийе һьндава ԝан мәрьва дьдьнә кʹьфше, әв дьле Йаһоԝа ша дькә у Әԝ ԝе жь бо ԝе йәке мә пʹьрʹ кʹәрәм кә (Мтʹл. 19:17; Кʹр.Шн. 20:35). Бьфькьрә һәла тӧ пьштгьрийа кʹе дькари бьки, у бе әгләкьрьн әве йәке бькә!

БЬНЬҺЕРʹӘ ВИДЕО «ҺЕЛАН КӘ МӘСИҺИЙЕД КӦ РʹӦҺʹАНИДА СЬСТ ЬН», У ПАШЕ ԜАН ПЬРСА ШЕԜЬР КӘ:

• Абби чь кьр чахе әԝе рʹасти Шәʹде Йаһоԝа һатьбу, кʹижана кӧ нас нәдькьр?

• Һәрге әм дьхԝазьн рʹӧһʹанида али кʹәсәки бькьн, чьма әм гәрәке бежьнә рʹуспийа?

• Чаԝа Абби хԝә һазьр кьр, кӧ щара дӧда һәрʹә щәм Лаура?

• Чаԝа Абби сәбьр у һʹьзкьрьне дьда кʹьфше, чахе дьхәбьти кӧ Лаурайе һелан кә?

• Әм чь дькарьн һин бьн жь мәсәла Иса, йе кӧ дь Луԛа 15:8-10 ньвисар ә?

• Аликʹарийа Лаура у рʹуспийа чь кʹәрәм анин?