Паԝлос у Силас дь кәледа бь кʹьлама әшԛи Хԝәде дьстьран (Кʹр.Шн. 16:25). Ԝәʹде мәда жи баԝәрмәндед мә кʹьламед Пʹадшатийе дьстьран, чахе әԝана дь Алманйайә натсистада дь гьртигәһеда рʹуньштьбун, у ӧса жи чахе ԝана ԝәк дил шандьн Сибирйайе. Әԝ мәсәлә дьдьнә кʹьфше, ԝәки ԛәԝата кʹьлама һәйә ԝәʹде щерʹьбандьна мә ԛәԝи кә у мерхас кә.

Зутьрәке сәр гәләк зьмана ԝе бьстиньн кʹьтеба кʹьлама йа тʹәзә бь наве «Бь Дьл у Щан Бона Йаһоԝа Бьстьрен». Чахе әм әве кʹьтебе бьстиньн, әм дькарьн кʹьлама бира хԝәда хԝәй кьн у ԝәʹде ԛӧльхкьрьна тʹәви малбәте бьстьрен кӧ һин бьн (Әф. 5:19). Һинге рʹӧһʹе пироз ԝе али мә бькә кӧ ԝәʹде щерʹьбандьна әван кʹьлама бькьнә бира хԝә. Кʹьламед Пʹадшатийе дькарьн али мә бькьн дина хԝә бьдьнә созе Хԝәде у һьм жи әԝана дькарьн мә ԛәԝи кьн ԝәʹде чәтьнайа. У чахе әм хԝә баш тʹәхмин дькьн һинге гьлийед кʹьламе дькарьн али мә бькьн ԝәки «бь дьл у щан» бьстьрен (1 Др. 15:16; Зб. 33:1-3). Ԝәрен әм һʹәму тьшти бькьн, сәва кӧ кʹьламед Пʹадшатийе тʹьме бьдьнә хәбате!

БЬНЬҺЕРʹӘ ВИДЕО «КʹЬЛАМЕД ПʹАДШАТИЙЕ, МӘ ԚӘԜИ ДЬКЬН». ПАШЕ ЩАБА ԜАН ПЬРСА БЬДӘ:

• Кʹижан дәрәщада Бьре Фрост кʹьлам ньвиси?

• Чаԝа кʹьлам ԛәԝи кьр бьре мә, чахе әԝ дь гьртигәһеда Алманйайә натсистада рʹуньштьбу?

• Иро чь дәрәщада кʹьламед Пʹадшатийе дькарьн мә ԛәԝи кьн?

• Кʹижан кʹьламед Пʹадшатийе тӧ дьхԝази бь әʹзбәри һин би?