Иса тʹәми дабу пәйчуйед хԝә, ԝәки һәрʹьн у мәрийа бькьнә шагьрт (Мәт. 28:19). Дькʹәтә нава ве йәке бәлакьрьна мьзгинийе у һинкьрьн. Щар-щара әм гәрәке жь хԝә бьпьрсьн: «Чаԝа әз дькарьм хьзмәтийа ви щурʹәйида, һе щерʹьбанди бьм?»

Дәԝса кӧ һивийе бьн, ԝәки мәрьв хԝәхә бенә щәм мә, әм гәрәке бь хирәт йед «һежа» бьгәрʹьн (Мәт. 10:11). Чахе әм мьзгинийе бәла дькьн, әм гәрәке һʹьшйар бьн у һәр мәщаләки бьдьнә хәбате, сәва кӧ бькʹәвьнә хәбәрдане тʹәви мәрьвед кӧ рʹасти мә тен (Кʹар. Шанд. 17:17). Лидйа бу шагьрт бь сайа ԝе йәке, кӧ Паԝлосе шанди бь дьл у щан мьзгинийа Хԝәде гиһандә ԝе (Кʹар. Шанд. 16:13-15).

БЬНЬҺЕРʹӘ ВИДЕО «БӘРДӘԜАМ КЬН ‹ТЬМЕ› ХЬЗМӘТ КЬН; НӘФОРМАЛ У МАЛ БЬ МАЛ» У ПАШЕ ЩАБА ԜАН ПЬРСА БЬДӘ:

• Чаԝа Самуйел жийина хԝәйә һәррʹожида нишан кьр, ԝәки әԝ бь хирәт тʹохьме рʹастийе дьчанд?

• Чьма әм гәрәке һәр щурʹә хьзмәтийада кʹар бькьн?

• Һәр рʹож тӧ тʹәви кʹе дькари дәрһәԛа мьзгинийа Пʹадшатийе хәбәр ди?

Сәва кӧ мәрийа бькьнә шагьрт, әм гәрәке һе зедә бькьн, нә кӧ тʹәне ԝанарʹа әʹдәбйәта бьһельн. Хенщи ԝе йәке әм гәрәке сәрледанед дӧбарә бькьн у һинбуна Кʹьтеба Пироз жи дәрбаз кьн, сәва кӧ али ԝан бькьн рʹӧһʹанида пешда һәрʹьн (1 Корн. 3:6-9). Ле һәрге әм бь дьл ԛәԝате дьдьнә хәбате кӧ дәрһәԛа Пʹадшатийе мәрийа һин кьн, у кʹара ве йәке һьндьк ә? (Мәт. 13:19-22). Диса жи әм гәрәке бәрдәԝам кьн бьгәрʹьн ԝан мәрийа, дьле кʹижана кӧ ԝәк «әʹрде» ԛәнщ ә (Мәт. 13:23; Кʹар. Шанд. 13:48).

БЬНЬҺЕРʹӘ ВИДЕО «БӘРДӘԜАМ КЬН ‹ТʹЬМЕ› ХЬЗМӘТ КЬН; ЛЬ ԜАН ЩИЙА КʹИДӘРЕ ГӘЛӘК МӘРЬВ ТʹОП ДЬБЬН У ШАГЬРТА ҺАЗЬР КЬН» У ПАШЕ ЩАБА ԜАН ПЬРСА БЬДӘ:

• Чаԝа Сьлеман у Мәрийаме, тʹохьмед рʹастийе ав дьдан дьле Һәзәԛел у Абигайледа?

• Һʹәму щурʹә хьзмәтийада, ӧса жи ль ԝан щийа, кʹидәре кӧ гәләк мәрьв тʹоп дьбьн, нета мә гәрәке чь бә?

• Чаԝа әм дькарьн һе зедә дина хԝә бьдьнә һинкьрьна мәрьвед дьн?