ӘВ ЙӘК ЧЬМА ФӘРЗ Ә: Һәрге «мәрәме дьле мерьв» мина ава бирәки кʹур ьн, пьрсед мә жи ԝе мина дәрданәки бьн, кӧ аликʹарийе бьдьн аве һьлчʹиньн (Мтʹл. 20:5). Пьрс али мә дькьн кӧ мәрьв гӧһдарванед баш бьн. Щабед сәр пьрсед рʹьнд бьжарти гәләк щар аликʹарийе дьдьн ԝәки мәрәмед дьле мәрьв тедәрхьн. Иса пьрсед керһати дьданә хәбате. Чаԝа әм дькарьн чʹәʹв бьдьнә ԝи?

ЧАԜА БЬКЬН:

• Пьрсед рʹьнд бьжарти бьдә хәбате. Иса гәләк пьрс дьда хәбате, кӧ ньһерʹандьна шагьртед хԝә пебьһʹәсә (Мт. 16:13-16; bе 238 ¶3-5) Кʹижан пьрса тӧ дькари бьди?

• Аликʹарийе бьдә, кӧ бенә сәр нетәкә рʹаст. Сәва кӧ ньһерʹандьна Пәтрус рʹаст кә, Иса һьнә пьрс у щаб да хәбате, кӧ али ԝи бькә бе сәр нетәкә рʹаст (Мт. 17:24-26). Кʹижан пьрса тӧ дькари бьди хәбате, ԝәки али кәсәки бьки бе сәр нетәкә рʹаст?

• Пʹайе гӧһдаре хԝә бьдә. Чахе ԛанунзанәк «бь аԛьли щаба хԝә да», Иса пʹайе ԝи дабу (Мԛ. 12:34). Ле чаԝа тӧ дькари пʹайе кәсәки бьди, чахе әԝ ԝе щаба хԝә бьдә?

БЬНЬҺЕРʹӘ ПʹАРА ПЕШЬНӘ ВИДЕО «БЬКӘ ӘԜ, ЧЬ КӦ ИСА ДЬКЬР: ҺИН КӘ», У ПАШЕ ЩАБА ԜАН ПЬРСА БЬДӘ:

• Чьма әԝ мәсәләки нәбаш ә йа һинкьрьне, һәла һәрге һʹәму информасийа рʹаст ә жи?

• Чьма әм гәрәке нә кӧ тʹәне тьштәки шьроԝәкьн, ле һе зедә бькьн?

БЬНЬҺЕРʹӘ ПʹАРА ДӦДА ЙА ВЕ ВИДЕО, У ПАШЕ ЩАБА ԜАН ПЬРСА БЬДӘ:

• Чаԝа бьра, пьрса керһати да хәбате?

• Кʹижан щурʹед һинкьрьне әм дькарьн бьдьнә хәбате?