Чахе Иса ль сәр әʹрде бу, әԝ дина хԝә да ве тʹәмийе «ԛәдьре де-баве хԝә» бьгьрә (Дркʹ. 20:12; Мт. 15:4). Иса дькарьбу бь сәрбәстийе әве йәке бежә, чьмки әԝ хԝәха «гӧрʹа» де-баве хԝәда бу (Лԛ. 2:51). У чахе әԝ мәзьн бу, хәм кьр, кӧ паши мьрьна ԝи жи, кәсәк мьԛати дийа ԝи бә (Йн. 19:26, 27).

Иро жи, Мәсиһийед щаһьл гӧрʹа де-баве хԝә дькьн у ԛәдре ԝан заньн. Һәмьки әв тʹәми тʹӧ щар ԝе нәйе гӧһастьне. Һәла чахе де-бав кал-пир бунә жи, әм гәрәке ԛәдьре ԝан бьзаньбьн у жь сәрԝахтийа ԝан һин бьн (Мтʹл. 23:22). Әм ӧса жи гәрәке алийе емосийалида у пʹәрада дәрһәԛа һʹәԝщед де-бавен хԝәйи әʹмьрда мәзьн, хәм бькьн (1 Тим. 5:8). Фьрԛи тʹӧнә әм щаһьл ьн йан әʹмьрда мәзьн ьн, әм гәрәке һәләԛәтийа баш тʹәви де-баве хԝә хԝәй кьн, чьмки ӧса әм ԛәдьр дьдьнә кʹьфше.

БЬНЬҺЕРʹӘ ВИДЕОЙА АНИМАСЙОНЕ «ЧАԜА ТʹӘВИ ДЕ-БАВЕ ХԜӘ ХӘБӘР ДЬМ?» У ПАШЕ ЩАБА ԜАН ПЬРСА БЬДӘ:

• Чьма тәрʹа чәтьн ә, де-баве хԝәрʹа хәбәр ди?

• Чаԝа тӧ дькари ԛәдьр һьндава де-баве хԝәда бьди кʹьфше, чахе ԝанарʹа хәбәр дьди?

• Чьма һежайи йә ԛәԝате бьдьнә хәбате, сәва кӧ де-баве хԝәрʹа хәбәр ди? (Мтʹл. 15:22)