ӘВ ЙӘК ЧЬМА ФӘРЗ Ә: Һәр әʹдәбйәтәкә бона һинбуне, дина мәрийа дьдә jw.org. Бь рʹасти, нета карта йа jw.org у бәлавока «Жь Кʹидәре Әм Дькарьн Бьвиньн Щабед Пьрсед Гьринг?», әԝ ә кӧ дина мәрийа бьдә сәр малпәра мә. Тӧ дькари бьди хәбате jԝ.org сәва кӧ әʹдәбйәта жь ԛӧтʹийа һʹәщәта йа бона һинбуне, бь әʹнәма йан жи пе линке бьшини, чь кӧ аликʹарийа мәзьн дьдә гава әм шәʹдәтийе дьдьн ԝан мәрийарʹа, йед кӧ ль сәр зьмане дьн хәбәр дьдьн. Хенщи ԝе йәке мәрьв дькарьн пьрсед ӧса бьдьнә мә, щаба кʹижана кӧ әʹдәбийәтед мәйи сәва һинбунеда тʹӧнә бә. Ле һәрге әме дина мәрийа бьдьн ль сәр малпәра jԝ.org, ӧса әме даһа сәрфьраз бьн дь хьзмәтеда.

ЧАԜА БЬКЬН:

• Бьдә хәбате пʹара «ҺИНКЬРЬНЕД КʹЬТЕБА ПИРОЗ». Бьдә һʹәсабе хԝә кӧ тӧ шәʹдәтийе дьди, де йан бавәкирʹа йе кӧ дьхԝазә һе зедә дәрһәԛа ширәткьрьна зарʹа пебьһʹәсә. Бькʹәвә ҺИНКЬРЬНЕД КʹЬТЕБА ПИРОЗ > ЗӘԜАЩ у МАЛБӘТ.

• Бьде хәбате пʹара «НӘШЬРКЬРЬН». Бьдә һʹәсабе хԝә кӧ тӧ нәформал шәʹдәтийе дьди дь мәкʹтәбеда у дьхԝази һәвале хԝәрʹа бьди брошура «10 Пьрсед Щаһьла у Щабед ль сәр Ԝан». Бькʹәвә НӘШЬРКЬРЬН > КʹЬТЕБ у БРОШУР.

• Бьдә хәбате пʹара «ДӘРҺӘԚА МӘ». Бьдә һʹәсабе хԝә кӧ тӧ шәʹдәтийе дьди ԝи мәрьвирʹа, кʹи кӧ тʹәви тә дьхәбьтә, у дьхԝазә бьхунә тьштәк дәрһәԛа баԝәрийа мә. Бькʹәвә ДӘРҺӘԚА МӘ > ПЬРСЕД ГӘЛӘК МӘРИЙА.

БЬНЬҺЕРʹЬН ВИДЕО «ДИНА МӘРИЙА ДЬДЬН ЛЬ СӘР JW.ORG» У ПАШЕ ШЕԜЬР КЬН, КӦ ЛЬ СӘР МАЛПӘРА МӘ, ҺУН ГӘРӘКЕ БЬКʹӘВЬНӘ КʹӦ, ԜӘКИ АЛИКʹАРИ БЬДЬНӘ:

• атеиста

• әԝе кӧ рʹасти кӧл-дәрда һатьбу

• хушк йан бьре рʹӧһʹанида сьст

• мәрьве кӧ дьхԝазә пебьһʹәсә кӧ чаԝа хәрще шьхӧле мә тенә дадане

• мәрьве жь ԝәлатәки дьн, йе кӧ дьхԝазә һәрʹә щьвате ль щийе незики хԝә