Чьма жьна Лут пьш хԝәва зьвьри чахе жь Содоме дьрʹәвийа? Кʹьтеба Пироз щаба ве пьрсе надә (Дсп. 19:17, 26). Ле жь гьлийед Иса һатә кʹьфше, кӧ дьԛәԝьмә әԝ һьзрәта ԝан тьшта бу, чь кӧ пьшт хԝәва һиштьбу (Лԛ. 17:31, 32). Әм чь гәрәке бькьн, кӧ ԛәбулкьрьна Хԝәде ԝәк жьна Лут, ӧнда нәкьн? Әм гәрәке нәһельн, кӧ тьштед материали жийина мәда щийе пешьн бьгьрьн (Мт. 6:33). Иса дьгот, кӧ «тʹӧ кәс нькарә дӧ ахар′а хӧламтийе бькә» демәк һьм Хԝәдерʹа һьм жи һʹәбукерʹа (Мт. 6:24). Ле чь бькьн һәрге мә дина хԝә да, кӧ тьштед материали, ԝәʹде мә жь тьштед рʹӧһʹани дьстиньн? Әм гәрәке Йаһоԝарʹа дӧа бькьн, ԝәки сәрԝахтийе бьдә мә, кӧ әм бьвиньн, чьда гәрәке бенә гӧһастьне. Ӧса жи әм гәрәке дӧа бькьн кӧ Йаһоԝа мерхасийе у ԛәԝате бьдә мә, ԝәки бькарьбьн әԝан гӧһастьна нав хԝәда бькьн.

БЬКЬНӘ БИРА ХԜӘ ВИДЕОЙА ЖЬ СЕ ПʹАРА «ЖЬНА ЛУТ БИНЬН БИРА ХԜӘ», У ПАШЕ ЩАБА ԜАН ПЬРСА БЬДЬН:

• Чаԝа хԝәстьна Глорйайе кӧ гәләк пʹәра чекә, һʹӧкӧм дькьр ль сәр фькьр, хәбәрдан у кьред ԝе?

• Чьда жьна Лут, мәсәләки баш ә бона мә?

• Чаԝа хәбьтандьна принсипед Кʹьтеба Пироз, али Щон у малбәта ԝи кьрьн?

• Чаԝа һәвалед Аннайе, йед сәр хәбате, ль сәр рʹӧһʹанийа ԝе һʹӧкӧм дькьрьн?

• Чьма мәрʹа мерхаси лазьм ә, гава мә һелан дькьн кӧ жийина хԝәда, пʹәра ль сәр щийе пешьн дайньн?

• Чаԝа Брайин у Глорйа, диса тьштед рʹӧһʹани дь жийина хԝәда ль сәр щийе пешьн данин?

• Дь ве видеойеда кʹижан принсипед Кʹьтеба Пироз һатьбун хәбьтандьне?