Ньвисаред Пирозда те готьне, ԝәки әм һьндава йед әʹмьрда мәзьн ӧса бьн, ча һьндава де у баве хԝәда, ле һьндава йед щаһьл хԝә ӧса бьдьнә кʹьфше, ча һьндава хушк у бьред хԝәйи һʹәлал (Бьхунә 1 Тимотʹейо 5:1, 2). Илаһи бьра гәрәке һьндава хушкада бь ԛәдьр бьн у һежа хԝә бьдьнә кʹьфше.

Бьра ԝе тʹӧ щар тʹәви хушк флирте нәкә у тʹӧ тьштед ӧса нәкә, жь бо чь хушк дькарә әʹщьз бә у кʹеләка ԝи хԝә аза тʹәхмин нәкә (Иб. 31:1). Һәрге бьре азәп нахԝазә бьзәԝьщә, әԝ гәрәке сәр һәстед хушка азәп нәлизә у жерʹа мәʹни нәдә, кӧ әԝ бьфькьрә ԝәки һәстед ԝийә романтики һьндава ԝеда һәйә.

Рʹуспи гәрәке бь нәрми гӧһ бьдә хушка кӧ бь ԛәдьр пьрсе дьдә ԝи йан жи дьхԝазә, ԝәки дина хԝә бьдьнә тьштәки, чь кӧ ле әʹщьз дькә. Рʹуспи дьһа хәм дькьн бона ԝан хушка, йед кӧ мере ԝан тʹӧнә, ԝәки ԝана бьпарезьн (Рʹтʹ. 2:8, 9).

БЬНЬҺЕРʹЬН ВИДЕО «ҺʹЬЗКЬРЬНА КӦ ТʹӦ ЩАР КʹӦТА НАБӘ ЩЬВАТЕДА БЬДЬНӘ КʹЬФШЕ; ҺЬНДАВА ЖЬНӘБИЙА У ЕТʹИМА» У ПАШЕ ЩАБА ԜАН ПЬРСА БЬДЬН:

• Щьвате ча һʹьзкьрьна мәхсус да кʹьфше һьндава хушка Майент?

• Һʹьзкьрьна кӧ щьвате да кʹьфше, ча һʹӧкӧм бу сәр щинаред ԝе хушке?

• Һʹьзкьрьна кӧ щьвате да кʹьфше, ча һʹӧкӧм бу сәр ԛизед ԝе?

Чь щурʹәйи тӧ дькари хәмкьрьн у һʹьзкьрьне бьди кʹьфше һьндава хушкед жь щьвата хԝә?