Ԝәʹде мәһа Илоне, әме ԛәԝате бьдьнә хәбате, сәва кӧ брошура «Ша бә Жийинерʹа Һʹәта-Һʹәтайе!» бәла кьн у һʹәмуйарʹа дәрһәԛа һинбуна Кʹьтеба Пироз бежьн. Хьзмәткʹар дькарьн сафи кьн, кӧ ве мәһе ча пешәнгед ԝәʹдәлу хьзмәт кьн у си сьһʹәта тʹәсмил кьн. Әм чь щурʹәйи дькарьн ве кампанийайеда кʹар бькьн?

• Ԝәʹде Сәрледана Пешьн: Сәва кӧ һʹәԝаса мәрийа пешда бини, бьдә хәбате рʹупʹела пашьн йа брошуре у нишан кә кӧ һинбуна Кʹьтеба Пироз ча дәрбаз дьбә. Бир нәкә ԝан мәрийа, йед кӧ һʹәԝаса хԝә һьндава рʹастийе дабунә кʹьфше, ӧса жи ԝан мәрьва, кʹижанарʹа тӧ сәрледана дьки. Һәрге жи әԝана бәре нәхԝәстьнә Кʹьтеба Пироз һин бьн, дьԛәԝьмә һʹәԝаса ԝан ве метода һинбунейә тʹәзәрʹа у брошурерʹа бе. Һәрге кәсәк малда нибә, әм гәрәке әве брошуре бәр дери нәһельн, у нә жи пе нәʹме ԝан мәрьварʹа бьшиньн, йед кӧ һʹәԝаса хԝә нәданә кʹьфше. Комитейа Хьзмәтийе йа Щьвате дьԛәԝьмә мәһа Илонеда щьватед зедә жи бона хьзмәткьрьне саз кә.

• Мәщалед Дьн: Һәрге щьвата ԝә бь стенда хьзмәт дькә, гәрәке постера брошуре «Ша бә Жийинерʹа Һʹәта-Һʹәтайе!» сәр стенде бә. Һун дькарьн ԝанарʹа, йед кӧ бьхԝазьн һе зедә пебьһʹәсьн у брошуре һьлдьн, дәрһәԛа һинбуна Кʹьтеба Пирозә бе пʹәрә бежьн. Һәрге те стандьне, һәма ԝедәре кьн нишани ԝан кьн кӧ һинбун чаԝа дәрбаз дьбә, ле һәрге найе стандьне, ԝанрʹа хәбәр дьн кӧ паше рʹасти һәв бен у ԝанрʹа нишан кьн. Ԝәʹде кампанийайе бәрпьрсийаре хьзмәтийе дькарә ӧса жи хьзмәткʹаред щерʹьбандирʹа бежә, кӧ ԝан щийа хьзмәт кьн кʹидәре кӧ зәʹф мәрьв һәнә. Һун ӧса жи дькарьн дәрһәԛа һинбуна Кʹьтеба Пироз һәвалхәбатчийед хԝәрʹа бежьн, у ӧса жи ԝан мәрьварʹа, кʹижанарʹа һун нәформал мьзгинийе бәла дькьн.

Иса тʹәми дайә, ԝәки мәрийа «һин кьн» у ԝана бькьнә шагьртед ԝи (Мт. 28:19, 20). Әв кампанийа мәхсус ԝе али мә бькә, ԝәки бькарьбьн бь сайа брошура «Ша бә Жийинерʹа Һʹәта-Һʹәтайе!» әве тʹәмийе биньн сери.