Кʹьтеба Пирозда гәләк мәсәлә һәнә кӧ Йаһоԝа ча щаба дӧайа дьда. Чахе хьзмәткʹаред Хԝәде дьдитьн кӧ ча Йаһоԝа гӧһ дьдә дӧайед ԝан, бона ԝан хәм дькә у али ԝан дькә, әԝе йәке бе шьк баԝәрийа ԝан ԛәԝи дькьр. Чахе әм Йаһоԝарʹа дӧа дькьн, ԝе баш бә дәрһәԛа тьштед конкрет дӧа бькьн у паше щаба дӧайе хԝә бьгәрʹьн. Бир нәкә, ԝәки щаба сәр дӧайе тә дькарә ԝи щурʹәйи нибә чаԝа тә дьхԝәст, йан жи дькарә жь хԝәстьна тә зедәтьр бә (2 Кр. 12:7-9; Әф. 3:20). Йаһоԝа чь щурʹәйи щаба дӧайед мә дьдә?

• Ԛәԝата физики, емосийали у рʹӧһʹани дьдә мә, сәва кӧ бәр проблема тәйах кьн (Флп. 4:13).

• Биланийе дьдә, ԝәки сафикьрьнед баш бькьн (Аԛб. 1:5).

• Хԝәстьн у ԛәԝате дьдә, ԝәки чь кӧ лазьм ә бькьн (Флп. 2:13).

• Дьлрʹьһʹәтийе дьдә, гава әм хәмгин ьн (Флп. 4:6, 7).

• Бь сайа кәсед дьн аликʹарийа физики у емосийали дьдә мә (1 Йн. 3:17, 18).

• Али ԝан кәса дькә, бона кʹе әм дӧа дькьн (Кʹр.Шн. 12:5, 11).

БЬНЬҺЕРʹЬН ВИДЕО «ЙАҺОԜА ‹ДӦАЙА ДЬБЬҺИЗӘ›» У ПАШЕ ЩАБА ԜАН ПЬРСА БЬДЬН:

• Һәрге проблемед мәйи сьһʹәт-ԛәԝатева гьредайи һәнә, мәсәла бьре Такеши ча дькарә мә бьшьдинә?

• Әм ча дькарьн чʹәʹв бьдьн бьре Такеши?