Дьбә кӧ тӧ Кʹьтеба Пироз һин дьби йан жи мьзгинване нәньхӧманди у щаһьл и. Ле нета тә һәйә бейи ньхӧмандьне? Чьма фәрз ә, ԝәки бьхԝази бейи ньхӧмандьне? Тʹәсмилбуйин у ньхӧмандьн әв һәйә дәстпека достийа тә тʹәви Йаһоԝа (Зб. 91:1). Әв ӧса жи тә бәрбь хьлазкьрьне дьбә (1 Пт. 3:21). Тӧ чаԝа дькари бьгьһижи ве нета хԝә?

Избат бә, ԝәки тә рʹийа рʹаст бьжартийә. Чахе һьнә пьрс бал тә пешда тен, леколине бькә, кӧ щаба пьрса бьвини (Рʹм. 12:2). Тедәрхә тӧ чь гӧһастьна гәрәке нав хԝәда бьки у ԝан гӧһастьна бькә, ԝәки дьле Йаһоԝа ша ки (Мтʹл. 27:11; Әф. 4:23, 24). Һәргав дӧа бькә у аликʹарийе жь Хԝәде бьхԝазә. Баԝәр бә, ԝәки Йаһоԝа ԝе тә ԛәԝи кә у бь рʹӧһʹе хԝәйи пироз пьштгьрийа тә бькә (1 Пт. 5:10, 11). Һежа йә тӧ бона ве йәке ԛәԝате бьди хәбате. Хьзмәткьрьн Йаһоԝарʹа рʹийа жийинейә пʹьрʹ баш ә! (Зб. 16:11)

БЬНЬҺЕРʹЬН ВИДЕО «НЬХӦМАНДЬН ГАВӘКӘ ЛАПӘ ФӘРЗ Ә», У ПАШЕ ЩАБА ԜАН ПЬРСА БЬДЬН:

• Һьнә хушк-бьра, чахе дьхԝәстьн бенә ньхӧмандьне, бәр кʹижан чәтьнайа тәйах кьрьн?

• Чаԝа тӧ дькари баԝәрийа хԝә ԛәԝи ки, сәва кӧ хԝә тʹәсмили Йаһоԝа ки?

• Һьнәк жь бо чь һелан бун кӧ гава бавежьн бәрбь ньхӧмандьне?

• Әԝед кӧ сафи кьрьн бенә ньхӧмандьне, ча һатьнә кʹәрәмкьрьне?

• Тʹәсмилкьрьн у ньхӧмандьн чь тенә һʹәсабе?