Чьма щьватед мәзьнә һәрсали ӧса мә хԝәш тен? Чаԝа кӧ Исраела бәреда иро жи щьватед мәйи мәзьн мәщале дьдьнә мә, ԝәки бь сәда у һʹәзара хушк-бьра тʹәвайи Йаһоԝа бьһʹәбиньн. Әм ша дьбьн кӧ ԝедәре занәбуне дьстиньн, чьмки әв али мә дькә һе незики Йаһоԝа бьн. Хенщи ԝе йәке әм дьшекьриньн әԝ ԝәʹде ԛимәт, кӧ дькарьн тʹәви һәвал у малбәта хԝә ԝедәре дәрбаз кьн. Рʹазибуна мәйә жь дьл мә һелан дькә, ԝәки һәр се рʹожа сәр ван щьвата бьн.

Сәр щьвинед мә, әм гәрәке нә кӧ тʹәне дәрһәԛа ԝе йәке бьфькьрьн кӧ чь дькарьн бона хԝә бьстиньн, ле ӧса жи ча әм дькарьн һʹьзкьрьне бьдьнә кʹьфше (Гл. 6:10; Ибр. 10:24, 25). Чахе әм бәр хушк-бьра дәри вәдькьн, йан жи хԝәрʹа щийед зедә нагьрьн, әм дьдьнә кʹьфше, ԝәки кʹара мәрьвед дьн дьгәрʹьн (Флп. 2:3, 4). Щьватед мәзьн мәщаләкә баш дьдьнә мә, ԝәки һәвалед тʹәзә хԝәрʹа бьвиньн. Әм дькарьн нете хԝәрʹа дайньн, ԝәки пешийа у паши щьвате, у ӧса жи ԝәʹде нанхԝарьне кәсәкирʹа бьбьнә нас (2 Кр. 6:13). Һәвалтийа кӧ ԝедәре дәстпебә дькарә тʹӧ щар хьлаз нәбә! Хенщи ԝе йәке, гава мәрьвед дәр-дор һʹьзкьрьне ортʹа мәда дьвиньн, дькарьн һелан бьн кӧ Йаһоԝарʹа хьзмәт кьн (Йн. 13:35).

БЬНЬҺЕРʹЬН ВИДЕО «ҺʹЬЗКЬРЬН ТʹӦ ЩАР КʹӦТА НАБӘ!; ЩЬВАТЕД МӘЗЬНӘ ҺʹӘМДЬНЙАЙЕ» У ПАШЕ ЩАБА ԜАН ПЬРСА БЬДЬН:

• Сала 2019 сәр щьвата мәзьнә һʹәмдьнйайе хушк-бьра чаԝа һьндава меванада һʹьзкьрьн данә кʹьфше?

• Чьма йәкти у һʹьзкьрьн нав щьмәʹта Йаһоԝада ӧса мәхсус ә?

• Бьред жь Кʹома Рʹебәрийе чаԝа дина мә данә сәр һʹьзкьрьне?

• Алманйайеда у Корейа Башурда һʹьзкьрьна Мәсиһити чь щурʹәйи хушк-бьра кьрьнә йәктийе?

• Әм гәрәке чь нете дайньн пешийа хԝә?