Һәрге әԝед кӧ Кʹьтеба Пироз һин дьбьн, дьхԝазьн достийа тʹәви Йаһоԝа ԛазанщ кьн, әԝана гәрәке һәвалед баш хԝәрʹа бьжберьн (Зб. 15:1, 4). Чьмки һәвалед баш һелан дькьн, кӧ тьштед рʹаст бькьн (Мтʹл. 13:20; lff дәрса 48).

Чахе али шагьрта дьки, ԝәки әԝана хԝә жь һәвалед хьраб дур бьгьрьн, бәр дьле ԝанда ԝәрә, чьмки дьԛәԝьмә ԝанарʹа чәтьн бә, кӧ ида ԝәʹдә тʹәви һәвалед хԝәйә бәре дәрбаз нәкьн. Хенщи ԝе йәке, нә кӧ тʹәне ԝәʹде һинбуне, ле рʹожед дьн жи ԝәʹде хԝә бона ԝан хәрщ кә. Бона ве йәке тӧ дькари ԝанарʹа смс бьньвиси, тʹеле хи йан жи тʹәсәлийа ԝан бьки. Һәрге шагьрт рʹӧһʹанида пешда дьчьн, тӧ дькари ԝана тʹәглиф ки, ԝәки тʹәви хушк-бьра ԝәʹдә дәрбаз кьн. Һьнге әԝ ԝе бьвиньн, кӧ һе зедә һәвал ԛазанщ кьрьнә, нә кӧ ӧнда кьрьнә (Мԛ. 10:29, 30). Һәмьки те жи шабуне бьстини, гава бьвини кӧ малбәта Йаһоԝа ча мәзьн дьбә.

БЬНЬҺЕРʹЬН ВИДЕО-ДРАМАЙЕ «АЛИ ШАГЬРТЕД ХԜӘ БЬКЬН . . . ХԜӘ ЖЬ ҺӘВАЛТИЙА ХЬРАБ ДУР БЬГЬРЬН», У ПАШЕ ЩАБА ԜАН ПЬРСА БЬДЬН:

• Һәвалтийа хьраб чь те һʹәсабе? (1 Кр. 15:33)

• Жийанайе щьват ча дьда бәр чʹәʹве хԝә?

• Чаԝа Нитайе али Жийанайе кьр, ԝәки әԝ жь һәвалтийа хьраб дур кʹәвә?